වනජීවී සංරක්ෂණ දෙපාර්තමේන්තුවේ මධ්යම කලාපයේ විශේෂ වැටලීම් ඒකකයට ලැබුණු තොරතුරක් මත සිදු කරන ලද වැටලීමක දී ඇත්දල කොටස්වලින් සෑදූ ගජමුතු දෙකක් සමග වීවරධාරියෙක් අත්අඩංගුවට ගෙන තිබෙනවා.
මෙම තොරතුර උපාය දූතයෙකුගේ මාර්ගයෙන් ලැබී ඇති අතර; ඔහු විසින් දූරකථනයෙන් සැකකරු හා සමග සම්බන්ධ වී රුපියල් ලක්ෂ 30කට අලෙවි කිරීමට සූදානම් වූ ගජමුතු දෙක මිලට ගැනීම සඳහා ගලගෙදර ප්රදේශයේ පිහිටි විහාරස්ථානයක් වෙත පැමිණෙන ලෙස දන්වා තිබෙන බවයි වාර්තා වන්නේ.
පසුව සිවිල් ඇඳුමින් සැරසුණු වනජීවී විමර්ශන නිලධාරි කණ්ඩායම ඊයේ (05) එම විහාරස්ථානයට පැමිණි අවස්ථාවේ දී ගජමුතු අලෙවි කිරීමට පැමිණ ඇත්තේ වීචරධාරියෙකු බවටයි අනාවරණය වී ඇත්තේ.
පසුව සැකකාර චීවරධාරියාව අත් අඩංගුවට ගැනුණු අතර ඔහුව අද (06) ගලගෙදර මහේස්ත්රාත් අධිකරණයට ඉදිරිපත් කෙරුණා.
අධිකරණ නියෝග අනුව සැකකරුව එළඹෙන 08 දක්වා රක්ෂිත බන්ධනාගාරගත කිරීමටයි නියෝග කර ඇත්තේ.
