මීගමුව රෝහලේ වෛද්‍යවරයෙකුට, කාර්ය මණ්ඩලයේ සාමාජිකයෙකුට සහ රෝහල් පොලිසියේ නිලධාරියෙකුට දෝෂාරෝපණය කරමින් තර්ජනය කළ සැකරුවන් තිදෙනෙකු රක්ෂිත බන්ධනාගාර ගත කර තිබෙනවා.
මීගමුව මහේස්ත්‍රාත් අධිකරණයයි නියෝගය ලබාදුන්නේ.
ප්‍රතිකාර සදහා රෝහල වෙත රැගෙන ආ රෝගියෙකුට ප්‍රතිකාර කිරීම ප්‍රමාද වූ බව කියන සිදුවීමක් මත අත්අඩංගුවට පත් පිරිස සහ රෝහල් කාර්ය මණ්ඩලය අතර ආරවුලක් සිදුවී තිබුණා.
රෝහලේ ලක්‍ෂ 2ක් පමණ වටිනා දේපලවලට ද අලාභ හානි සිදුකළ මෙම සැකරුවන් තිදෙනා ලබන 28 දින දක්වා රක්ෂිත බන්ධනාගාර ගත කරන ලෙසයි මීගමුව ප්‍රධාන මහේස්ත්‍රාතවරයා ඊයේ (15) නියෝග කර ඇත්තේ.
මෙම සැකකරුවන් තිදෙනා දාගොන්න සහ කටුවැල්ලේගම ප්‍රදේශවල පදිංචි පුද්ගලයන්.
මීගමුව පොලිසිය සිද්ධිය පිළිබඳ වැඩිදුර විමර්ශන සිදුකරනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
