ශ්‍රී ලංකාව හා සම්බන්ධ රූපලාවණ්‍ය තරගාවලි නියාමනය කිරීම සඳහා නීති රීති හඳුන්වා දීමට රජය තීරණය කර ඇති බවත් මෑතදී ඇති වූ විවාහක රූ රැජින මතභේදාත්මක සිද්ධියෙන් පසුව මෙම තීරණය ගෙන ඇති බවත් කාන්තා හා ළමා සංවර්ධන රාජ්‍ය අමාත්‍ය පියල් නිශාන්ත මහතා ඉංග්‍රිසි පුවත්පතකට අදහස් දක්වමින් කියා සිටිනවා.
ශ්‍රී ලංකා විවාහක රූ රැජින තරඟාවලිය ජාත්‍යන්තර ප්‍රමිතීන්ට අනුකූල වන පරිදි නියාමනය කළ යුතු බව රාජ්‍ය අමාත්‍යවරයා පෙන්වා දී ඇති අතර මේ සම්බන්ධයෙන් පොදු එකඟතාවකට පැමිණීම සඳහා පෞද්ගලික සංවිධාන සමඟ සාකච්ඡා පැවැත්වීමට බලාපොරොත්තු වන බවයි අමාත්‍යවරයා වැඩි දුරටත් පවසන්නේ.
එමෙන්ම මෙරට නම භාවිතා කරමින් පවත්වනු ලබන ඕනෑම උත්සවයක් නිරීක්ෂණය කිරීම අත්‍යවශ්‍ය බවද එතුමා පැවසුවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
10
wpDiscuz
