උතුරු මැද සහ උතුරු පළාත භාර අනුරාධපුර සුරාබදු විශේෂ මෙහෙයුම් ඒකකය මඟින් අද අළුයම අනුරාධපුර ප්‍රධාන දුම්රිය ස්ථානයට යන මාර්ගයේ දී සිදුකළ විශේෂ වැටලීමකදී පුද්ගලයෙකු අත්අඩංගුවට ගෙන තිබෙනවා.
ඒ සුරාබදු විශේෂ මෙහෙයුම් ඒකකය වෙත ලැබුණු තොරතුරකට අනුවයි.
අත්අඩංගුවට ගත් සැකකරුව සිදුකළ පරීක්ෂාවේ දී ඔහු සන්තකයේ තිබූ ගමන්මල්ලේ ඉතා සූක්ෂම ලෙස සඟවා තිබුණ මෙම කේරළ ගංජා තොගය සොයාගෙන තිබෙනවා.
මොහු වයස අවුරුදු 42ක යාපනය ප්‍රදේශයේ පදිංචිකරුවෙකු බවත් සඳහන්.
සැකකරු යාපනය ප්‍රදේශයේ සිට බස් රථයකින් අනුරාධපුර නගරයට පැමිණ දුම්රියෙන් කොළඹ බලා මෙම ගංජා තොගය ප්‍රවාහනය කිරීමට සූදානම්ව සිටින බවයි සැකකරුගෙන් සිදුකළ ප්‍රශ්න කිරීම්වලදී සුරාබදු නිලධාරීන් අනාවරණය කරගෙන තිබෙන්නේ.
සිද්ධිය පිළිබඳ වැඩිදුර විමර්ශන සුරාබදු විශේෂ මෙහෙයුම් ඒකකයේ නිලධාරීන් විසින් සිදුකරන අතර ඉන් අනතුරුව සැකකරු මහේස්ත්‍රාත්වරයා හමුවට ඉදිරිපත් කිරීමට නියමිතයි.
