ප්රතිසංස්කරණය කරමින් තිබූ පාලමක යකඩ ඇන්දකට යටවීමෙන් පුද්ගලයෙකු ජීවිතක්ෂයට පත් ව තිබෙනවා.
මෙම අවාසනාවන්ත සිදුවීම අද (21) පස්වරු 04ට පමණ සිදු ව ඇත්තේ ගාල්ල – නාගොඩ, කැප්පිටියගොඩ හා උඩවැලි වීථිය යා කෙරෙන ගිං ගඟ හරහා ඉදිව තිබෙන පාලම ප්රතිසංස්කරණ කටයුතු සිදු කරමින් සිටි කම්කරුවෙකු බවයි අප ප්රාදේශීය වාර්තාකරු පැවසුවේ.
එම පාලමේ යකඩ ඇන්දක් මරණකරුගේ ඇඟ මතට කඩා වැටීමෙන් මෙම අනතුර සිදු ව තිබෙනවා.
කිසිදු ආරක්ෂිත ක්රමවේදයක් උපයෝගී නොකර ප්රතිසංස්කරණ වැඩ කටයුතු සිදු කරන මෙම පාලමේ අනාරක්ෂිත බව නිසා අනතුර සිදු ව ඇති බවටයි ප්රදේශවාසීන් පෙන්වාදෙන්නේ.
පෞද්ගලික සමාගමක් මගින් මෙහි වැඩ කටයුතු සිදු කරන අතර පුද්ගලයන් කිහිපදෙනෙකු ම පාලමේ වෑල්ඩින්ග් කටයුතුවල යෙදී සිටියදියි අනතුර සිදු ව ඇත්තේ.
මියගිය පුද්ගලයා 50 හැවිරිදි නාගොඩ ප්රදේශයේ පදිංචිකරුවෙක්.
සිද්ධිය සම්බන්ධයෙන් වැඩිදුර පොලිස් විමර්ශන ක්රියාත්මකයි.
