යතුරුපැදි දෙක මුහුණට මුහුණ ගැටීමෙන් සහෝදරයින් දෙදෙනකු ජීවිතක්ෂයට පත් වී තිබෙනවා.
මෙම අවාසනාවන්ත සිදුවීම වාර්තා වන්නේ මුලතිව් – මන්කුලම්, වේලාන්කුලම් ප්රදේශයේ දීයි.
මුලතිව් – මාන්කුලම් සිට මල්ලාවි දෙසට යතුරුපැදියකින් එකම පවුලේ සහෝදරයින් දෙදෙනකු ගමන් කර ඇති අතර; ඊට විරුද්ධ දෙස සිට තවත් තරුණයෙකු පදවාගෙන ආ යතුරුපැදිය සමග මුහුණට මුහුණ ගැටී මෙම අනතුර සිදු ව තිබෙනවා.
අනතුරින් එක් යතුරුපැදියක ගමන් කළ සහෝදරයින් දෙදෙනාම ජීවිතක්ෂයට පත්ව ඇති බවත් අනෙක් යතුරුපැදිකරු බරපතළ තුවාල ලබා රෝහල්ගත කර ඇති බවත් පොලිසිය පවසනවා.
තුවාලකරුගේ තත්ත්වය බරපතළ බැවින් මේ වනවිට (21) ඔහු කිලිනොච්චිය මහ රෝහලට මාරුකර යැවීමටයි පියවර ගෙන ඇත්තේ.
අනතුරින් මිය ගොස් ඇත්තේ මාන්කුලම් ප්රදේශයේ පදිංචි එකම පවුලේ සොයුරන් දෙදෙනෙකු වූ 20 හා 23 හැවිරිදි විජයකුමර් විදුසන් සහ ජෙයකුමර් විදුසන් නමැති දෙදෙනකුයි.
අනතුරට හේතුව යතුරුපැදි දෙකෙහිම අධික වේගය බවත් පරීක්ෂණවලින් හෙළි ව තිබෙනවා.
