හෙට (22) ඇරඹෙන සංචාරක ඉන්දියාව සහ ඔස්ට්රෙලියාව අතර පැවැත්වෙන තරග 05කින් සමන්විත ටෙස්ට් තරගාවලිය සඳහා සංචිතයට තමන්ගේ පැමිණීම ස්ථිර බව ඉන්දීය නායක රෝහිත් ෂර්මා තහවුරු කර තිබෙනවා.
සිය දෙවැනි දරුවාගේ උපත වෙනුවෙන් රෝහිත් කණ්ඩායම සමග ඔස්ට්රෙලියාවේ පුහුණු කඳවුරු සඳහා පසුගියදා එක් වූයේ නැහැ.
නමුත් නොවැම්බර් මස 24 වැනිදින සිට රෝහිත්ව යළිත් කණ්ඩායමට එක් කිරීමේ හැකියාවක් ඇති බවයි ඉන්දීය ක්රිකට් තේරීම් කමිටුව සඳහන් කරන්නේ.
ඉන්දීය තේරීම් කමිටුව පවසන්නේ සිය මව්බිමේ සිට පැමිණෙන රෝහිත් නොවැම්බර් 24 වැනිදා තම කණ්ඩායම සමග එක්වීමට නියමිත බවයි.
කෙසේවෙතත් රෝහිත් පළමු ටෙස්ට් තරගයට එක් නොවන අතර දෙසැම්බර් 06 වැනි දින ඇඩිලේඩ් හිදී ඇරඹීමට නියමිත දෙවැනි ටෙස්ට් තරගය වෙනුවෙන් ක්රීඩා කිරීමට නියමිත බවත් වාර්තා වනවා.
එමෙන්ම නොවැම්බර් 30 වැනිදා රෝහිත් ෂර්මා ඔස්ට්රෙලියාවට එරෙහිව පුහුණු ටෙස්ට් තරගයකට (දෙදිනක් තුළ පැවැත්වෙන) ද එක්වීමට නියමිතයි.
රෝහිත් වෙනුවට පළමු ටෙස්ට් තරගයේ නායකත්වය දරන්නේ උප නායක ජස්ප්රිට් බුම්රා විසින්.
රෝහිත්ගේ නැවත පැමිණීම ඉන්දීය කණ්ඩායමට ශක්තියක් වන බවයි ක්රිකට් ආරංචි මාර්ග තහවුරු කරන්නේ.
