රුපියල් මිලියන 11ක් වටිනා අයිස් මත්ද්රව්ය තොගයක් සමඟ සංවිධානාත්මක අපරාධකරුවෙකු වන ඩුබායි රාජ්යයේ සැඟව සිටින මහවත්ත චාමරගේ ප්රධාන ගෝලයන් දෙදෙනෙකු පොලිස් විශේෂ කාර්ය බලකා නිලධාරීන්ගේ අත්අඩංගුවට පත් ව තිබෙනවා.
විශේෂ කාර්ය බලකාය විශේෂ මෙහෙයුම් ඒකකය II හි නිලධාරීන් කණ්ඩායමක් ඊයේ (20) දිනයේ දී කඩවත හා දොම්පේ පොලිස් වසමේ දී සිදු කළ වැටලීම් දෙකකින් සැකකරුවන් අත්අඩංගුවට ගැනුණා.
එහි දී අයිස් මත්ද්රව්ය කිලෝග්රෑම් 03 යි ග්රෑම් 536 ක්, මත්ද්රව්ය ජාවාරමින් උපයා ගන්නා ලද මුදල් එක්කෝටි දස ලක්ෂයක්, කාර් රථයක් හා ජංගම දුරකථන 03 ක් පොලිස් භාරයට ගෙන ඇති බවයි වාර්තා වන්නේ.
සැකකරුවන් මාලිගාවත්ත ප්රදේශයේ පදිංචි වයස අවුරුදු 29 ක පුද්ගලයකු හා කඩවත ප්රදේශයේ පදිංචි වයස අවුරුදු 39 ක පුද්ගලයකු බවත් වාර්තා වනවා.
දැනට ඩුබායි රාජ්යයේ සැඟව සිටින ප්රබල මත්ද්රව්ය ජාවාරම්කරුවෙකු වන මහවත්ත චාමරගේ මෙරට මත්ද්රව්ය ජාලය මෙහෙයවන ප්රධාන ගෝලයන් දෙදෙනෙකු බවට කරුණු හෙළිව ඇති බවයි වාර්තා වන්නේ.
