නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රී ධුර 02න් එක් ධුරයක් සඳහා රවී කරුණානායක මහතාගේ නම මැතිවරණ කොමිසමට යැවීමේ සිද්ධිය සම්බන්ධයෙන් ස්වාධීන පරීක්ෂණයක් පැවැත්වීමට එම පක්ෂය තීරණය කර තිබෙනවා.
හිටපු ජනාධිපති රනිල් වික්‍රමසිංහ මහතා විසින් මෙම විශේෂ කමිටුව පත් කිරීමටයි තීරණය කර ඇත්තේ.
ඒ සම්බන්ධයෙන් අද (20) පැවති සාකච්ඡාවේ දී රවී කරුණානයක මහතා ජාතික ලැයිස්තුවෙන් අනීතික ලෙස පත් කිරීම සම්බන්ධයෙන් එම සන්ධාන පාර්ශ්වකරුවන්ගේ විශ්වාසය පළුදු වී ඇති බවයි ඔවුන් ප්‍රකාශ කළේ.
මෙම පරීක්ෂණය සඳහා පත් කළ ස්වාධීන කමිටුවේ සාමාජිකයින් වන්නේ;නීතිඥ කුමාර් දුනුසිංහ මහතා,
නීතිඥ ඉන්දික වේරගොඩ මහතා සහ ආචාර්ය විතානගේ මහතා සහ කමිටු ලේකම්වරයා ලෙස නීතිඥ යසස් ද සිල්වා මහතා පත් කෙරුණා.
මෙම පරික්ෂණ වාර්තාව සති 3ක් ඇතුළත එක්සත් ජාතික පක්ෂ නායක රනිල් වික්‍රමසිංහ මහතා වෙත භාරදීමට තීරණය වී තිබෙනවා.
