Gold exchange-traded funds (ETFs) සඳහා මාස 12ක් පුරා පැවති අලාභයේ අවසානය සනිටුහන් කරමින් ගෝලීය රන් වෙළඳපොළ මැයි මාසයේ දී සැළකිය යුතු වෙනසක් අත්විඳි තිබෙනවා.
ඉන්දියාව මැයි මාසයේ දී ඇමරිකානු ඩොලර් මිලියන 86.5 ක් වටිනා රත්‍රන් මිලදී ගත් අතර එය වෙළඳපොළේ ධනාත්මක ගම්‍යතාවයට තවදුරටත් සහායවීමක්.
ලෝක රන් කවුන්සිලයේ නවතම විවරණයට අනුව, යුරෝපයේ සහ ආසියාවේ ප්‍රබල ඉල්ලුම හේතුවෙන් මැයි මාසයේ දී රන් වෙළෙඳපොළේ නැවත නැඟිටීමක් නිරීක්ෂණය වනවා.
මැයි මාසය අවසන් වන විට, ගෝලීය රන් ETF රඳවා තබාගැනීම ටොන් 3,088 දක්වා ඉහළ ගොස් ඇති අතර, කළමනාකරණය යටතේ ඇති මුළු වත්කම් (AUM) ඇමෙරිකානු ඩොලර් බිලියන 234ක් දක්වා ඉහළ නංවා ඇති අතර, එය මැයි මාසයේ දී සියයට 2ක වැඩිවීමක්.
රන් ETFs මැයි මාසයේ දී ඇමරිකානු ඩොලර් මිලියන 529 ක ශුද්ධ ගලා ඒමක් භුක්ති විඳි අතර, පසුගිය වසරේ එම මාසයේ සිට ඔවුන්ගේ පළමු ධනාත්මක චලනයයි.
මෙම ඉහළ යාම, රන් මිල අවුන්සයකට USD 2,348 දක්වා සියයට 2කින් වැඩි වීමත් සමඟ රන් ETF සඳහා වන මුළු වත්කම් ඇමෙරිකානු ඩොලරි බිලියන 234 දක්වා ඉහළ නැංවීමට උපකාරී විය, එය 2022 අප්‍රේල් සිට වාර්තා වූ ඉහළම අගයද වනවා.
කලාපීය වශයෙන් යුරෝපය සහ ආසියාව අරමුදල්වල ධනාත්මක ප්‍රවාහයේ ප්‍රධාන දායකයන් වුණා.
විශේෂයෙන්ම, යුරෝපීය මහ බැංකුව විසින් විභව අනුපාත කප්පාදුවක් පිළිබඳ අපේක්ෂාවන් ස්විස් සහ ජර්මානු අරමුදල් ගලා ඒමට තුඩු දුන්නා.
අනෙක් අතට, එලඹෙන මැතිවරණ සහ නොනවතින උද්ධමනය හේතුවෙන් එක්සත් රාජධානියේ ලැයිස්තුගත අරමුදල් පිටතට ගලා යෑමක් සිදුව තිබෙනවා.
දේශීය රත්‍රං මිල ඉහළ යාම සහ දුර්වල වූ මුදල් ඒකකයක් මගින් ප්‍රබෝධමත් වූ චීනය, ඩොලර් මිලියන 253ක ගලා ඒම සඳහා සැලකිය යුතු ධාවකයක් වුණා.
ආකර්ශනීය දේශීය රන් මිල ඉහළ යාම හේතුවෙන් ජපානය ද ශක්තිමත් ගලා ඒමක් නිරීක්ෂණය කළා.
කෙසේ වෙතත් ගෝලීය රන් වෙලඳපොළවල වෙළඳාම් ක්‍රියාකාරකම් පහත වැටීමක් පෙන්නුම් කළ අතර, සාමාන්‍ය දෛනික වෙළඳ පරිමාව මැයි මාසයේ දී ඩොලර් බිලියන 216 ක් ලෙස පැවතුණා.
ෂැංහයි ෆියුචර්ස් එක්ස්චේන්ජ් සහ ෂැංහයි ගෝල්ඩ් එක්ස්චේන්ජ් පිළිවෙළින් සියයට 45 කින් සහ සියයට 36 කින් පහත වැටී තිබෙනවා.
මැයි මාසයේ දී අඛණ්ඩව තුන්වන මාසික ලාභයක් ලබාගනිමින් රන් මිල අඛණ්ඩව ඉහළ ගියා.
මාසය අවසානයේ මිල අවුන්සයකට ඩොලර් 2,348 දක්වා පසුබැසීමට පෙර මාසයේ මැද භාගයේ දී අවුන්සයකට ඩොලර් 2,427ක් වූ සර්වකාලීන ඉහළම අගයක් වාර්තා කළා.
ලෝක රන් කවුන්සිලය පවසන්නේ ධනාත්මක ගම්‍යතාව සහ දුර්වල එක්සත් ජනපද ඩොලරය මිල ඉහළ යාමට දායක වූ බවයි.
ඉදිරිය දෙස බලන විට, එක්සත් ජනපද ආර්ථික වර්ධනයේ සහ උද්ධමනයේ ගමන් පථය අඛණ්ඩව මුදල් වෙලඳපොළවල් හැඩගස්වනු ඇති අතර එමගින් රන් මිලට ද බලපෑම් එල්ල කරනු ඇති.
ශක්තිමත් ආර්ථික වර්ධනය හේතුවෙන් ශක්තිමත්ව පැවති එක්සත් ජනපද ඩොලරය, උද්ධමනය අඩු වීමත් සමඟ මැයි මාසයේදී දුර්වල වූ අතර, පොළී අනුපාත අඩුකිරීමට ෆෙඩරල් බැංකුවට වැඩි ඉඩක් ලබාදී තිබෙනවා.
ඓතිහාසික වශයෙන්, ඩොලරය දුර්වලවීම රන් මිල ඉහළ යෑම කෙරෙහි සෘජු බලපෑමක් එල්ල කර ඇති අතර, මෙම ප්‍රවණතාව දිගටම පැවතියහොත් ඉදිරි මාසවල දී රන් මිලේ සැලකිය යුතු ඉහළයෑමක් සිදුවනු ඇතැයි පුරෝකථනය කරනවා.
