පාකිස්තානය ප්රහාර උත්සන්න කිරීමෙන් පසු ඇෆ්ගනිස්ථානයේ එක්සත් ජාතීන්ගේ ආධාර ආයතනයට වැඩ අත්හිටුවීමට බල කෙරී තිබෙනවා.
දේශසීමාව දිගේ ගුවන් ප්රහාර සහ වෙඩි තැබීම් මගින් ආරම්භ වූ දෙරට අතර ගැටුම බ්රහස්පතින්දා හත්වන දිනට පිවිසිණා.
ලෝක ආහාර වැඩසටහන අනතුරු ඇඟවූයේ ගැටුම ඇෆ්ගනිස්ථානයේ දැනටමත් දරුණු මානුෂීය අර්බුදය, විශේෂයෙන් දේශසීමා කලාපවල නරක අතට හැරෙමින් පවතින බවයි.
හදිසි ආහාර ආධාර බෙදා හැරීම අත්හිටුවීම 160,000 කට ආසන්න පිරිසකට බලපානු ඇති බව එක්සත් ජාතීන්ගේ ආයතනය පැවසූ අතර, ගුවන් ප්රහාර සහ භූමි ගැටුම් නුරිස්තාන්, ලග්මන්, කුනාර්, නන්ගර්හාර්, පක්ටිකා, පක්ටියා, කොස්ට්, කන්දහාර්, හෙල්මන්ඩ් සහ සාබුල් පළාත්වල දිස්ත්රික්ක 46 කට බලපා ඇතැයි සඳහන් කළා
පවතින මානුෂීය අර්බුදය හේතුවෙන් බලපෑමට ලක් වූ පළාත්වලින් අවම වශයෙන් හතරක් බරපතල මන්දපෝෂණ මට්ටම්වලට මුහුණ දී ඇති බවත්, ගැටුම්වලට හසු වූ දිස්ත්රික්කවලින් අඩකට වඩා “හදිසි කුසගින්න මට්ටම්” අත්විඳින බවත් එක්සත් ජාතීන්ගේ ආයතනය වැඩිදුරටත් පවසා සිටියා.
පකිස්තානය සහ ඇෆ්ගනිස්ථානය අතර කැකෑරෙන ගැටුම පසුගිය සතියේ නැවතත් පුපුරා ගියේ පාකිස්තානය ත්රස්තවාදී පහසුකම් යැයි කියා සිටි ස්ථාන වෙත දේශසීමාව හරහා ගුවන් ප්රහාර එල්ල කිරීමෙන් පසුවයි.
