වසර තුනකට ආසන්න කාලයක සිට රුසියානු – යුක්‍රේනයට යුද්ධයට මිලිටරි නැතහොත් යුද ආධාර ලබා දුන් අමෙරිකාව එය නතර කිරීමට තීරණය කර තිබෙනවා.
බීබීසී පුවත් සේවය වාර්තා කරන පරිදි එරට වේලාවෙන් අද (04) දිනයේ දී ධවල මන්දිරය විසින් ජනාධිපති ඩොනල්ඩ් ට්‍රම්ප්ගේ තීරණය නිල වශයෙන් ප්‍රකාශයට පත් කර ඇති බවයි.
යුක්රේනයේ හමුදා ආධාර අත්හිටුවීමේ තීරණයට ප්‍රතිචාර වශයෙන් රාජ්‍ය ලේකම් මාර්කෝ රුබියෝ ප්‍රකාශයක් නිකුත් කර තිබෙනවා.
ඔහු පවසන්නේ එක්සත් ජනපදය රුසියානුවන් සාකච්ඡා මේසයට ගෙන ඒමට අවශ්‍ය ක්‍රියාමාර්ග ගනිමින් සිටින බවයි.
රූබියෝ වැඩිදුරටත් සඳහන් කරන්නේ මෙවැන්නක්;
“යුක්රේනයේ යුද්ධයට කල් පවතින හා කල් පවතින අවසානයක් ගෙන ඒමට පවා අවස්ථාවක් ඇති ලෝකයේ එකම නායකයා ජනාධිපති ට්‍රම්ප්.අපිට රුසියානුවන් සාකච්ඡා මේසයකට ගෙන ඒමට අවශ්‍යයි. සාමය ඇති කළ හැකිද යන්න අපට සොයා බැලීමට අවශ්‍යයි..’‘ යනුවෙන්.
පසුගිය සිකුරාදා දිනයේ දී ට්‍රම්ප් සහ සෙලෙන්ස්කි හමුවේ දී සෙලෙන්ස්කිට ධවල මන්දිරයෙන් පිටව යාමට සිදු වූයේ දැඩි උණුසුම් සංවාදයකින් අනතුරුවයි.
පසුව සෙලෙන්ස්කි යුරෝපා නායකයින් හමු වූ අතර බ්‍රිතාන්‍යය අගමැති ඇතුළු යුරෝපා නායකයින් 18 දෙනෙකු යුක්‍රේනයට ආධාර ලබාදීමට පෙනී සිටින බව ප්‍රකාශ කළා.
එම ප්‍රකාශයෙන් අනතුරුවයි ට්‍රම්ප් මෙම දැඩි තීන්දුව ගෙන ඇත්තේ.
