අම්බලන්තොට පොලිස් වසමේ මාමඩල බැමිණියන්විල ප්රදේශයේ දී අද (31) දින අලුයම සිදුවූ අනතුරකින් කාන්තාවක් මිය ගොස් රියදුරු ඇතුළු තිදෙනෙකු තුවාල ලබා තිබෙනවා.
අලුයම 02.00ට පමණ මෝටර් රථයක් මාර්ගයෙන් ඉවතට පැන කොහොඹ ගසක වැදීමෙන් මෙම රිය අනතුර සිදුව තිබුණා.
මෝටර් රථයේ ගමන්ගත් කාන්තාවක් මිය ගොස් රියදුරු ඇතුළු තිදෙනෙකු තුවාල ලබා හම්බන්තොට රෝහලට ඇතුළත් කර තිබේ.
මෙලෙස අනතුරට ලක්ව ඇත්තේ ඇඹිලිපිටිය දෙස සිට නෝනගම දෙසට ධාවනය වූ මෝටර් රථයක් වන අතර රියදුරුට නින්ද යාම නිසා රිය පාලනය කරගත නොහැකිව අනතුර සිදුව ඇති බවයි අම්බලන්තොට පොලීසිය සදහන් කළේ.
අනතුරට ලක්ව ඇත්තේ හම්බන්තොට, අඩි සීය පාර, මිරිජ්ජවිල ප්රදේශයේ පදිංචි එකම පවුලේ මව, පියා සහ දරුවන් දෙදෙනෙකු වන අතර අනතුර සිදුවන අවස්ථාවේ රිය ධාවනය කොට ඇත්තේ මියගිය කාන්තාවගේ සැමියා විසිනුයි.
ඔහු අම්බලන්තොට මාමඩල විද්යාලයේ විදුහල්පතිවරයා ලෙස ද කටයුතු කරන බව පොලීසිය ප්රකාශ කළා.
එමෙන්ම අනතුරින් මියගිය අදාළ විදුහල්පතිවරයාගේ බිරිඳ වන අතර ඇය මාාතර සර්වේසස් විද්යාලයේ ගුරුවරියක ලෙස ද කටයුතු කර තිබුණා.
මෙම සිද්ධිය සම්බන්ධයෙන් වැඩිදුර විමර්ශන කටයුතු අම්බලන්තොට පොලීසිය විසින් සිදු කරන අතර මියගිය ගුරුවරියගේ පශ්චාත් මරණ කටයුතු හම්බන්තොට මහ රෝහලේ දී සිදු කිරීමට නියමිතයි.
