ශ්රී ලාංකීය සංගීත ක්ශේත්රයේ ස්වර්ණමය යුගය ලෙසින් බොහෝ දෙනා සලකන්නේ හැත්තෑව අසූව යුගයන්ය.එයින් පසු බිහිවූ නිර්මාණයන්ට කුඩම්මාගේ සැලකිලිම නොවුනත් බොහෝ දෙනාගෙන් ලැබෙන්න අඩු සැලකිල්ලක්ය.
එයිනුත් දෙදහස වසර ඇරඹීමත් සමග බිහිවූ තරුණයන්ගේ සංගීත නිර්මාණයන්ට තරම් සමාජයෙන් සහ ප්රබුද්ධ යැයි සම්මත කලාකරුවන්ගෙන් ලැබුනේ නම් ගල්මුල් ප්රහාරයන්මය.කෙසේ නමුත් එම නිර්මාණ ලංකාවේ ඒවකට සිටි තරුණ පරම්පරාව ආදරයෙන් බාරගත් අයුරු අපට මතකය.
කාලයාගේ ඇවෑමෙන් එම නිර්මාණයන් සමග පෝශනය වූ නව ආරක සංගීත උරුවන් සහිත බොහෝ සංගීත කන්ඩායම් ගායක ගායිකාවන් බිහිවූ නමුත් තවමත් අපට අමතක කල නොහැකි තරමට ම එදා ඒ ඇසුනු සංගීත නිර්මාන සිත් තුල බැඳී ඇත.
මේ ලිපිය සමග අමුනා ඇති මේ ගීත කිහිපයට ඔබේ මතකය ඈතකට ගෙනියෑමට මේ ගීත වලට හැකියාවක් ඇතැයි මම සිතමි.අද වන විට මේ බොහෝ ගායකයන් ශ්රී ලංකාවේත් නොමැත.ඇතමෙක් ජීවිතයේ මැදි වයසට ද එලැබී ඇත.කාලය වේගයෙන් ගත වී ඇත.බොහෝ දේ වෙනස් වී ඇත. නමුත් අපේ හදවතේ මේ ගීතයන්ට තිබුනු තැන් ඒ ලෙසම තිබීම පුදුම සහගත…
මතකද මේ සිංදු පිස්සුවෙන් වගේ අහපු කාලය….
