ඇමරිකා එක්සත් ජනපදය විසින් මෙරටට පරිත්යාග කරන ලද සිව්වන වෙරළාරක්ෂක නෞකාව වන P628 නෞකාව අද (21) බැල්ටිමෝර් නාවික ජැටියෙන් ශ්රී ලංකාව බලා ගමන් ආරම්භ කර ඇති බව වාර්තා වනවා.
ඇමරිකා එක්සත් ජනපදයේ ශ්රී ලංකා තානාපති කාර්යාලයේ නිල එක්ස් ගිණුමේ මේ බව සඳහන් කර තිබෙනවා.
ඇමරිකානු වෙරළාරක්ෂක බලකායට අයත්ව තිබූ මෙම නෞකාවදිවයිනට පැමිණීම සඳහා නාවික සැතපුම් 14,775ක දුරක් ගෙවා දැමීමට සිදුවනවා.
ශ්රී ලංකා නාවික හමුදාවේ කපිතාන් ගයාන් වික්රමසූරිය ඇතුළු නිලධාරීන් 14ක් සහ නාවිකයින් 72 දෙනෙකු ඇතුළුව මුළු සාමාජිකයින් 86 දෙනෙකුගෙන් යුත් විශේෂ පුහුණුව ලත් කණ්ඩායමක් මෙම නෞකාව මෙරට රැගෙන ඒමට නියමිතයි.
දින 77ක දීර්ඝ මුහුදු ගමනකින් පසු, නෞකාව 2026 මැයි 08 වන දින ත්රිකුණාමලය වරාය වෙත ළඟා වීමට නියමිත අතර, මෙය සැළකෙන්නේ ශ්රී ලංකා නෞකාවක් විසින් සිදුකරනු ලබන දීර්ඝතම මුහුදු ගමන ලෙසයි.
