වෙළඳපලට නිකුත් කිරීම සදහා යළි සකසා ඇසුරුම් කරමින් තිබූ මිනිස් පරිභෝජනයට නුසුදුසු සියඹලා තොගයක් කැකිරාව ප්‍රදේශයේ නිවසක තිබී සිය භාරයට ගැනීමට කැකිරාව මහජන සෞඛ්‍ය පරීක්ෂකවරු කටයුතු කර තිබෙනවා.
කැකිරාව සෞඛ්‍ය වෛද්‍ය නිලධාරීවරයාට ලද තොරතුරක් අනුව සිදුකළ මෙහෙයුමකදී කැකිරාව නගරයේ ප්‍රසිද්ධ ව්‍යාපාරිකයකුගේ නිවසක් තුළ දී යළි සකසමින් තිබියදී අදාළ සියඹලා තොගය ගැනීමට මහජන සෞඛ්‍ය පරීක්ෂකවරුන්ට හැකිව තිබෙනවා.
වැටලෑම සිදුවන අවස්ථාව වන විටත් අදාළ ව්‍යාපාරිකයින් එම සියඹලා තොගය පිරිසිදු කර යළි ඇසුරුම් කරමින් සිටි බව වටලීම් නිලධාරීහු පවසනවා.
මෙලෙස වෙළඳපලට නිකුත් කිරීමට සූදානමින් තිබූ සියඹලා තොගය ප්‍රමාණයෙන් කිලෝ 6000ක් පමණ වන බවද සෞඛ්‍ය බලධාරීහු කිපවසනවා.
මිනිස් පරිභෝජනයට නුසුදුසු තත්ත්වයේ පැවැති කිලෝ 6000ක් පමණ වූ එම සියඹලා තොගය කිලෝ 20 බැගින් වූ ඇසුම්වල බහා වෙළදපලට නිකුත් කිරීමට සූදානම් කර තිබූ බව සිදුකළ විමර්ශණවලදී අනාවරණය වී ඇතැයි කැකිරාව සෞඛ්‍ය වෛද්‍ය නිලධාරී කාර්යාලය පවසනවා.
අදාළ සියඹලා තොගයේ සාම්පල ලබා ගැනිමෙන් පසු සිද්ධිය සම්බන්ධයෙන් අදාළ ව්‍යාපාරිකයාගෙන් ප්‍රකාශ සටහන් කර ගැනීමටද මහජන සෞඛ්‍ය පරීක්ෂකවරු කටයුතු කර තිබෙනවා.
ඒ අනුව අදාළ ව්‍යාපාරිකයාට එරෙහිව ආහාර පනත යටතේ චෝදනා ගොනුකර අදාළ සියඹලා තොගය ද සමඟ කැකිරාව දිසා මහෙස්ත්‍රාත් අධිකරණය වෙත ඉදිරිපත් කිරීමට නියමිතව බව වැටලීම් නිලධාරීහු පවසන බව අප වාර්තාකරු පැවසුවා.
