මැදපෙරදිග ඇතිව තිබෙන යුද ගැටුම් හේතුවෙන් මේ වන විට ලෝක වෙළඳපොළේ බොරතෙල් මිල ගණන් ඉහළ ගොස් තිබෙනවා.
ඒ, අනුව අද (02) පෙරවරුවේ ඇමරිකානු වෙළඳපොළේ බොරතෙල් බැරලයක මිල 8%කින් ඉහළ ගොස් ඇති බවයි වාර්තා වන්නේ.
ඒ, අනුව බොරතෙල් බැරලයක මිල ඩොලර් 72යි සත 40ක් ලෙස දැක්වෙනවා.
බ්රිතාන්ය බ්රෙන්ට් වෙළඳපොළේ බොරතෙල් බැරලයක මිල 9%කින් ඉහළ ගොස් ඇති බව වාර්තාවල සඳහන්.
ඒ, අනුව එහි බොරතෙල් බැරලයක මිල ඩොලර් 79යි සත 38ක් සටහන්ව තිබෙනවා.
පවතින යුදමය වාතාවරණය තවදුරටත් උත්සන්න වුවහොත්, ඉදිරි දින කිහිපය තුළ බොරතෙල් බැරලයක මිල ඇමරිකානු ඩොලර් 100 සීමාව දක්වා ඉහළ යා හැකි බවයි ආර්ථික විශ්ලේෂකන් අනතුරු අඟවන්නේ.
මේ අතර කලාපීය ගැටුම් මධ්යයේ කොටස් වෙලඳපොළවල් ද පහත වැටි ඇති බවයි විදෙස් වාර්තාවල වැඩිදුරටත් දැක්වෙන්නේ.
ඔබේ ප්රතිචාරය කුමක්ද ?
+1
+1
+1
+1
2
+1
2
+1
+1
1
