මැදපෙරදිග කලාපයේ ආරම්භ වී තිබෙන යුදමය තත්ත්වයත් සමඟ ගල්ෆ් කලාපයේ නාවික කටයුතුවලට බාධා එල්ල වී තිබෙනවා.
මේ හේතුවෙන් ශ්රී ලංකාවෙන් එම කලාපයට සිදුවන අපනයන සඳහා බාධා එල්ල වනු ඇති බවයි වරාය සහ සිවිල් ගුවන් සේවා අමාත්ය අනුර කරුණාතිලක පවසන්නේ.
පවතින තත්ත්වය සැලකිල්ලට ගෙන විකල්ප වෙළඳපොළවල් වෙත තේ ඇතුළු මෙරට අපනයනයන් යොමු කිරීමට බලාපොරොත්තුවන බවයි ඔහු පැවසුවේ.
මේ අතර මැදපෙරදිග කලාපය වෙත අපනයනන සඳහා යොමුකරන තේ ඇතුළු අනෙකුත් අපනයනයන් දැනට කොළඹ වරාය වෙත රැගෙන ඒමෙන් වැළකී සිටින ලෙස අමාත්යවරයා දැනුම් දෙනවා.
වරාය තුළ අනවශ්ය තදබදයක් ඇතිවීම වැළක්වීම සඳහා මෙම ඉල්ලීම සිදුකරන බවයි ඔහු වැඩිදුරටත් පැවසුවේ.
මේ අතර මෙරට තේ වැඩි ප්රමාණයක් මැදපෙරදිග කලාපයෙන් මිලදී ගනු ලබන අවස්ථාවක, තේ අපනයන සඳහා සැලකිය යුතු බලපෑමක් ඉදිරි දිනවල දී සිදුවනු ඇති බවට අපේක්ෂා කරන බවයි ඔහු සඳහන් කර සිටියේ.
ඒ වෙනුවෙන් විකල්ප ක්රියාමාර්ග ගැනීමට අදාළ ආයතන සමඟ සාකච්ඡාකර හැකිවනු ඇති බවයි අමාත්යවරයා පැවසුවේ.
