ඉන්දීය ප්‍රිමියර් ලීග් තරග ඉතිහාසය තුළ සුපිරි ක්‍රීඩක විරාට් කෝලි සතුව තිබූ වාර්තාවක් තම නම ඉදිරියේ ලියා ගන්නට රෝහිත් ශ්‍ර්මාට ඊයේ (29) රාත්‍රියේ හැකියාව ලැබුණා.
ඒ, අයි.පී.එල් තරග ඉතිහාසය තුළ තනි කණ්ඩායමකට එරෙහිව වැඩිම ලකුණු ලබාගත් ක්‍රීඩකයා බවට පත් වෙමින්.
මුම්බායි ඉන්දියන්ස් සහ කොල්කටා නයිට් රයිඩර්ස් අතර ඊයේ (29) පැවති තරගයේ දී ප්‍රහාරාත්මක පිතිකරණයක් දියත් කළ 38 හැවිරිදි රෝහිත් ශර්මා පන්දු 38 කදී හයේ පහර 06ක් සහ හතරේ පහර 07ක් ඇතුළුව ලකුණු 78ක් රැස් කළා.
එම ලකුනුන් 78ත් සමඟ ඒ, අයි.පී.එල් තරග ඉතිහාසයේ කොල්කටා නයිට් රයිඩර්ස් කණ්ඩායමට එරෙහිව රෝහිත් ශර්මා ලකුණු 1,161ක් රැස්කරගෙන සිටිනවා.
මීට පෙර අයි.පී.එල් තරග ඉතිහාසය තුළ තනි කණ්ඩායමකට එරෙහිව වැඩිම ලකුණු ලබාගත් ක්‍රීඩකයා බවට විරාට් කෝලි පත්ව සිටියේ පන්ජාබ් කිංග්ස් කණ්ඩායමට එරෙහිව ලකුණු 1,159ක් රැස්කරමින්.
ඒ, අනුව විරාට් කෝලිව අඩුකර ගිය රෝහිත් ශර්මා අයි.පී.එල් තරග ඉතිහාසය තුළ තනි කණ්ඩායමකට එරෙහිව වැඩිම ලකුණු රැස්කළ පිතිකරු බවට මේ වනවිට පත්ව තිබෙනවා.
මෙහි තෙවන ස්ථානයේ ද විරාට් කොලිගේ නම ලියවී ඇති අතර, ඔහු චෙන්නායි සුපර් කිංග්ස් කණ්ඩායමට එරෙහිව ලකුණු 1,146ක් රැස්කරගෙන සිටිනවා.
එහි සිව්වන ස්ථානයේ ඕස්ට්‍රේලියානු පිතිකරු ඩේවිඩ් වෝනර් පසුවන්නේ පන්ජාබ් කිංග්ස් කණ්ඩායමට එරෙහිව ලකුණු 1,134ක් රැස් කරගෙනයි.
මේ අතර ඉන්දීය ප්‍රිමියර් ලීග් තරග ඉතිහාසය තුළ වැඩිම අර්ධ ශතක රැස්කළ පිතිකරුවන් අතර සිව්වන තැනට පැමිණෙන්නට රෝහිත් ශර්මාට ඊයේ (29) තරගයේ දී හැකියාව හිමිවීම ද විශේෂත්වයක්.
රෝහිත් මේ වනවිට අයි.පී.එල් තරග 273ක් ක්‍රීඩා කරමින් ඉනිම් 268ක් තුළ අර්ධ ශතක 48ක් රැස්කරගෙන සිටිනවා.
එහි පළමු තැන විරාට් කොලි පසුවන්නේ අර්ධ ශතක 64ක් රැස්කරගෙනයි.
එමෙන්ම එහි දෙවන සහා තුන්වන තැන පිළිවෙලින් අර්ධ ශතක 62ක් රැස්කරගෙන ඩේවිඩ් වෝනර් පසුවන අතර, ශිකර් ධාවන් අර්ධ ශතක 51ක් රැස්කරගෙන පසුවනවා.
