මැතිවරණ පැවැත්වීම සඳහා මෙවර අයවැයෙන් රුපියල් බිලියන 10ක මුදලක් වෙන් කර අවසන් බවත්, ඒ අනුව මැතිවරණ කල් දැමීමක් හෝ වංගු ගැසීමක් සිදු නොවන බවත් මුදල් රාජ්‍ය අමාත්‍ය සහ වැවිලි ව්‍යවසාය සංවර්ධන අමාත්‍ය ආචාර්ය රංජිත් සියඹලාපිටිය පවසනවා.
කුරුණෑගල වැවිලි සමාගමට අයත් ඌරාපොල නව අලෙවි මධ්‍යස්ථානය ඊයේ (13) සවස විවෘත කිරීමේ අවස්ථාවට එක් වූ අවස්ථාවේ මාධ්‍යවේදීන් යොමුකළ ප්‍රශ්නවලට පිළිතුරු ලබාදෙමින් අමාත්‍යවරයා මේ බව ප්‍රකාශ කළා.
මෙම අලෙවිසැල මගින් දේශීය නිෂ්පාදන, පොල් අයිස් ක්‍රීම්, දුරීයන් යෝගට් ආදී නිෂ්පාදන රැසක් මෙන්ම කොස් ඇට පිටි ආදිය ද පහසු මිල ගණන් යටතේ මිලදී ගැනීමට ජනතාවට හැකියාව ලැබෙයි.
මෙහිදී තවදුරටත් අදහස් දක්වමින් අමාත්‍යවරයා සඳහන් කළේ, 2025 වසරේ පැවැත්වෙන මැතිවරණය සඳහා ද නියමිත පරිදි මුදල් වෙන් කිරීමට ඉදිරි අයවැයෙවන් කටයුතු කරන බවයි.
රටේ ජනතාවද පැහැදිලි තීන්දුවක් ගැනීමට සූදානම්ව තිබෙන මේ මොහොතේ මැතිවරණ කල් දැමීමේ අවශ්‍යතාවයක් නොමැති බව ද ඔහු සඳහන් කළා.
