මාලදිවයින් ජනාධිපති මොහොමඩ් මුයිසු මාලදිවයින සහ ඉන්දියාව අතර ඓතිහාසික හා සමීප සබඳතා ශක්තිමත් කිරීමට තම පරිපාලනයේ පූර්ණ කැපවීම යළි තහවුරු කළා.
මාලදිවයිනට අවශ්‍ය සෑම අවස්ථාවකදීම ඉන්දියාව සමීපතම මිත්‍ර රාජ්‍යයක් සහ මිල කළ නොහැකි හවුල්කරුවෙකු වන බවත්, මාලදිවයිනට ආධාර අවශ්‍ය වූ විට පහසුකම් සපයා ඇති බවත් ජනාධිපති මුයිසු මහතා වැඩිදුරටත් අවධාරණය කළ බව මාලදිවයින් ජනාධිපති කාර්යාලය නිවේදනයක් නිකුත් කරමින් කියා සිටියා.
ජනාධිපතිවරයා මේ බව ප්‍රකාශ කළේ ඉන්දීය රජයේ ණය පහසුකම මඟින් ඉන්දීය EXIM බැංකුව හරහා මාලදිවයිනේ දූපත් 28ක නිම කරන ලද ජල සම්පාදන ව්‍යාපෘති ප්‍රදානය කිරීම වෙනුවෙන් මාලදිවයින් ජනාධිපති කාර්යාලයේ පැවැති උත්සවයේදීයි.
මෙම ව්‍යාපෘති ඉන්දියාව සමඟ මාලදිවයිනේ ද්විපාර්ශ්වික සබඳතාවල ප්‍රධාන සන්ධිස්ථාන බව ජනාධිපතිවරයා පැවසුවා.
මාලදිවයිනට ත්‍යාගශීලී සහ අඛණ්ඩව ලබාදුන් සහය වෙනුවෙන් ජනාධිපතිතුමා අග්‍රාමාත්‍ය නරේන්ද්‍ර මෝදි මහතාට, රජයට සහ ඉන්දීය මිත්‍රශීලී ජනතාවට දැඩි කෘතඥතාව පළ කළා.
මාලදිවයින් ජනාධිපති මොහොමඩ් මුයිසු චීන හිතෛෂීයෙකු ලෙස වඩාත් ප්‍රකටව සිටියා.
මේ හේතුවෙන් ඉන්දියාව සහ මාලදිවයින අතර සබඳතා පලුදු වූ බවට ද විචාරකයන් මත පළ කර තිබුණා.
