ජනාධිපතිවරණයේ දී පොලිසිය ඇතුළු රාජ්ය නිලධාරීන් සිදුකරන මැතිවරණ නීති උල්ලංඝණය කිරීම් සම්බන්ධයෙන් පැමිණිලි භාරගැනීමට ශ්රී ලංකා මානව හිමිකම් කොමිෂන් සභාව පියවර ගෙන තිබෙනවා.
මේ අතර නිදහස් හා සාධාරණ මැතිවරණයක් පැවැත්වීම උදෙසා පොලිස් නිලධාරින් ඇතුළු රාජ්ය නිලධාරින් සඳහා මාර්ගෝපදේශ මාලාවක් ශ්රී ලංකා මානව හිමිකම් කොමිෂන් සභාව ඊයේ නිකුත් කිරීමටයි කටයුතු කර තිබුණා.
නිදහස් හා සාධාරණ මැතිවරණයක් පැවැත්වීම වෙනුවෙන් පොලිසිය ඇතුළු රාජ්ය නිලධාරීන් සිදුකරන මැතිවරණ නීති උල්ලංඝණය කිරීම් සම්බන්ධයෙන්වන පැමිණිලි ඉදිරිපත් කිරීමට විශේෂිත දුරකථන අංකයක් සහ ෆැක්ස් අංකයක් ශ්රී ලංකා මානව හිමිකම් කොමිෂන් සභාව මඟින් හඳුන්වා දී තිබෙනවා.
ඒ, අනුව 076 7914696 යන දුරකතන අංකයට හෝ 0112 505566 යන ෆැක්ස් අංකයට එම පැමිණිලි ඉදිරිපත් කළ යුතු බවයි එම කොමිෂන් සභාව සඳහන් කළේ.
මේ අතර පොලිස් නිලධාරින් ඇතුළු රාජ්ය නිලධාරින් සඳහා මාර්ගෝපදේශ මාලාව ශ්රී ලංකා මානව හිමිකම් කොමිෂන් සභාව විසින් නිකුත්කර තිබෙනවා.
නිදහස් හා සාධාරණ මැතිවරණයක් පැවැත්වීම උදෙසා මෙම විශේෂ මාර්ගෝපදේශ මාලාව නිකුත් කිරීමට පියවර ගත් බවයි එම කොමිෂන් සභාව පැවසුවේ.
මැතිවරණය පැවැත්වෙන කාල සීමාවේදී සහ මැතිවරණය අවසන් වූ කාලසිමාවේ දී මෙම මාර්ගෝපදේශ සියලුම පොලිස් නිලධාරීන් පිළිපැදිය යුතු වනවා.
මේ අතර මැතිවරණයේ දී ඡන්දය ප්රකාශ කිරීම වෙනුවෙන් පෞද්ගලික අංශයේ සේවකයින්ට සිකුරාදා දිනයේ දී නිවාඩු ලබාදීම සම්බන්ධයෙන් වන යෝජනාවක් ශ්රී ලංකා මානව හිමිකම් කොමිෂන් සභාව වෙත ඉදිරිපත් කළ බව මැතිවරණ කොමිසමේ හිටපු සභාපති මහින්ද දේශප්රිය පැවසුවා.
