ඉඩම් ආරවුලක් මුල් කර ගෙන ඇති වූ බහින් බස්වීමක් දුර දිග යාමෙන් ඇති වූ ගැටුමක දී සිදුකළ පිහි ඇණුමක දී එක් පුද්ගලයෙක් මිය ගොස් තවත් අයෙක් තුවාල ලබා තිබෙනවා.
ඊයේ (02) රාත්රියේ මාරවිල, කටුනේරිය, ශාන්ත අන්තෝනි මාවතේ දී මෙම ඝාතනය සිදුව ඇති බවයි පොලිසිය සඳහන් කළේ.
ඝාතනයට ලක්වූ පුද්ගලයා දමිත් මධුර අසංග නැමැති වයස අවුරුදු 43ක පුද්ගලයෙක් වන අතර, තුවාල ලැබූ පුද්ගලයා ප්රතිකාර සඳහා මාරවිල මූලික රෝහලට ඇතුළත් කර ඇති බවයි වාර්තා වුණේ.
ඝාතනය ලක්වූ පුද්ගලයා තියුණු ආයුධයක් ද සහිතව ඥාතියෙකුගේ නිවසකට ගොස් බහින් බස්වීමක් ඇති කර ගෙන ඇති බවත්, ඉඩම් ආරවුලක් ඊට හේතුව වී ඇති බවයි පොලිසිය පවසන්නේ.
බහින් බස්වීම දුරදිග ගොස් එම පුද්ගලයා එහි සිටි පුද්ගලයෙකුට අතේ තිබූ තියුණු ආයුධයෙක් පහර දී ඇති බවයි වාර්තා වුණේ.
එම අවස්ථාවේ අනෙක් පුද්ගලයා ද උල් ආයුධයකින් එම පුද්ගලයාට ද පහර දී ඇති අතර, සිද්ධියෙන් දෙදෙනාම තුවාල ලබා ඇති බවයි විමර්ශනවල දී අනාවරණය වී ඇත්තේ.
පසුව ඔවුන් දෙදෙනාම රෝහල් ගත කිරීමට කටයුතු කර ඇති අතර, රෝහලේ ප්රතිකාර ලබමින් සිටිය දී එක් පුද්ගලයෙක් මියගොස් තිබෙනවා.
24 හැවිරිදි වියේ පසුවන අනෙක් තුවාලකරු පොලිස් ආරක්ෂාව යටතේ ප්රතිකාර ලබමින් සිටින බවයි වාර්තා වුණේ.
සිද්ධිය සම්බන්ධයෙන් මහේස්ත්රාත් පරීක්ෂණය පැවැත්වීමට නියමිතව තිබෙනවා.
