රජයේ වෛද්‍ය නිලධාරීන්ගේ සංගමය ක්‍රියාත්මක කළ දීප ව්‍යාප්ත සංකේත වැඩ වර්ජනය හෙට (06) පෙරවරු 8:00 දක්වා දීර්ඝ කිරීමට තීරණය කර තිබෙනවා.
රජයේ වෛද්‍යවරුන් ඊයේ (04) පෙරවරු 8.00ට ආරම්භ කළ වැඩ වර්ජනය අද (05) පෙරවරු 8.00ට අවසන් වීමට තිබුණා.
රජයේ වෛද්‍ය නිලධාරීන්ගේ සංගමයේ හදිසි විධායක සභාව ගනු ලැබූ තීරණයක් මතයි මෙම වැඩ වර්ජනය තවත් පැය 24ක් දීර්ඝ කිරීමට තීරණය කර ඇත්තේ.
වෛද්‍යවරුන්ගේ ස්ථාන මාරු ක්‍රියාවලියට නිසි විසඳුම් ලබානොදීමට එරෙහිව රජයේ වෛද්‍ය නිලධාරීන්ගේ සංගමය මෙම වැඩවර්ජනය ආරම්භ කර තිබෙනවා.
පසුගිය 31 වනදා සිට දින කිහිපයක දී රජයේ වෛද්‍යවරුන් මෙම සංකේත වැඩ වර්ජනය ක්‍රියාත්මක කළ අතර, ඒ හේතුවෙන් රෝහල්වල ප්‍රතිකාර සේවාවලට බාධා එල්ලවී රෝගීන් දැඩි අපහසුතාවයකට පත් වුණා.
