වර්තමානයේ බුද දහමට සහ මහා සංඝ රත්නයට එල්ල වී ඇති බලපෑම් පිළිබඳව මහජනතාව දැනුම්වත් කිරීම උදෙසා මව්බිම සුරැකීමේ සංවිධානය මඟින් සංවිධානය කරනු ලබන, මහා සඟ සමුළුව අද (20) පස්වරු 2.00ට කොළඹ 07 බෞද්ධ මහා සම්මේලනය ඉදිරිපිට දී පැවැත්වීමට නියමිතව තිබෙනවා.
සම්බුද්ධ ශාසනයට මහා සංඝරත්නයට සහ බෞද්ධයන්ටත් රටේ සංස්කෘතිය හා සභ්යත්වයටත් එරෙහිව ගොඩ නැඟෙමින් පවතින තර්ජන පරාජය කිරීමේ අරමුණින් මෙම මහා සඟ සමුළුව පවත්ව බවයි මව්බිම සුරැකීමේ සංවිධානය පවසන්නේ.
මෙම මහා සඟ සම්මේලනය කිසිම දේශපාලනඥයකු පිම්බීමට හෝ දේශපාලනික වශයෙන් ඉලක්ක කර පවත්වන්නක් නොවන බවත්, ජාතිය, ආගම, සංස්කෘතිය සහ බෞද්ධ භික්ෂුවට එල්ල වී තිබෙන තර්ජනයන්ට එරෙහිව සංවිධානය කරන්නක් බව එම සංවිධානයේ සභාපති මුරුත්තෙට්ටුවේ ආනන්ද හිමි සඳහන් කළේ.
මේ අතර බෙදුම්වාදයට සහ බෙදුම්වාදී බලවේගවලට එරෙහිව කටයුතු කරන ලෙස ජනාධිපතිවරයාගෙන් ඉල්ලා මහජන පෙත්සමකට අත්සන් ලබාගැනීමේ වැඩසටහන ඊයේ (19) දිනයේ සිට ආරම්භ වුණා.
wpDiscuz
