73 හැවිරිදි කාන්තාවකට ඇයගේම ජීවිතය ජීවමාන අපායක් බවට පත් කළ නීතීඥ පුතෙකු අත්අඩංගුවට ගත් පුවතක් ඉන්දීය මාධ්ය වාර්තා කරනවා.
ඉන්දීය මාධ්ය වාර්තා කරන්නේ අදාළ කාන්තාවට ඇයගේ පුතා, ලේලිය සහ ඇගේ මුනුපුරා විසින් අමානුෂික ලෙස වධහිංසා පමුණුවා ඇති බවයි.
නීතිඥ පුතා විසින්ම තම මවගේ කාමරයේ සවිකර තිබූ සී.සී.ටී.වී කැමරාවක සටහන්ව තිබූ සාක්ෂි ඔස්සේ ඔහුව මෙලෙස අත්අඩංගුවට ගැනීමට කටයුතු කර තිබුණා.
සිය පුතා, ලේලිය සහ මුනුපුරා විසින් කලක සිට අදාළ කාන්තාවට පහර දෙමින් වධහිංසා පමුණුවා ඇති බවයි තොරතුරු වාර්තා වන්නේ.
මෙම පහරදීම් සම්බන්ධයෙන් දිනක් අදාල කාන්තාවගේ දියණියට පවසා ඇති අතර, කාමරයේ තිබූ සී.සී.ටී.වී. කැමරාවේ දර්ශන ලබාගැනීමට සමත් වූ ඇය මේ සම්බන්ධයෙන් පොලිසියට පැමිණිලිකර තිබෙනවා.
එම සාක්ෂි අනුව සැකකාර පුත්රයා අත්අඩංගුවට ගැනීමට හැකි වූ බවයි පන්ජාබ් පොලිසිය පවසන්නේ.
දෙමාපියන්ගේ සහ ජ්යෙෂ්ඨ පුරවැසියන්ගේ නඩත්තුව සහ සුබසාධන පනතේ 24 වැනි වගන්තිය යටතේ සැකකරුට එරෙහිව නඩු පැවරීමට කටයුතු කර තිබෙනවා.
