මල් වෙඩිල්ලක් පත්තුවීම හේතුවෙන් බරපතළ තුවාල ලබා ඊයේ (26) මධ්යම රාත්රියේ තඹුත්තේගම රෝහලට ඇතුළත් කිරීමේ දී පුද්ගලයෙකු මියගොස් තිබෙනවා.
මෙලෙස අවාසනාවන්ත ලෙස ජීවිතක්ෂයට පත්ව ඇත්තේ වයස අවුරුදු 31ක් වූ තඹුත්තේගම, තේක්කවත්ත ප්රදේශයේ පදිංචිව සිටි අයෙක්.
මෙම පුද්ගලයා සිය නිවස ආසන්නයේ පැවති මංගල උත්සවයකට සහභාගීව සිටි අවස්ථාවක මල් වෙඩිල්ලක් පත්තු කිරීමට උත්සාහ කර තිබෙනවා.
එම අවස්ථාවේ එය නිවී යාමත් සමඟ යළි ඒ අසළට ගොස් පරීක්ෂාකර බලා පත්තු කිරීමේ දී මල්වෙඩිල්ල පත්තු වී ඔහුගේ හිසේ වැදී ඇති බවයි පොලිසිය සඳහන් කළේ.
එහිදී බරපතළ තුවාල ලැබූ පුද්ගලයා තඹුත්තේගම රෝහලට ඇතුළත් කිරීමට කටයුතු කර ඇති අතර, එලෙස රෝහල් ගත කිරීමේ දී ඔහු මියගොස් ඇති බවයි පොලිසිය වැඩිදුරටත් පැවසුවේ.
මෘත ශරීරය තඹුත්තේගම රෝහලේ තැන්පත්කර ඇති අතර, සිද්ධිය සම්බන්ධයෙන් තඹුත්තේගම පොලිසිය වැඩිදුර විමර්ශන සිදුකරනු ලබනවා.
