අභාවප්රාප්ත ඉන්දීය හිටපු අග්රාමාත්ය ආචාර්ය මන්මෝහන් සිංගේ අවසන් කටයුතු අද (28) දිනයේ දී සියලු රාජ්ය ගෞරව සහිතව සිදුකිරීමට නියමිතයි.
ඉන්දීය මාධ්ය වාර්තා කරන්නේ හිටපු අග්රාමාත්යවරයාගේ දේහය මේ වනවිට අවසන් ගෞරව සඳහා කොංග්රස් පක්ෂයේ මූලස්ථානය වෙත රැගෙන ගොස් ඇති බවයි.
ඒ අනුව හිටපු අග්රාමාත්යවරයාට අවසන් ගෞරව දැක්වීම සඳහා රාහුල් ගාන්ධි, ප්රියංකා ගාන්ධි ඇතුළු කොංග්රස් පක්ෂයේ නායකයින් විශාල පිරිසක් පක්ෂ මූලස්ථානයට පැමිණ ඇති බවයි ඉඉයුඅ මාධ්ය වැඩිදුරටත් සඳහන් කළේ.
ඉන්දියාවේ 13 වැනි අගමැති සහ එරට පළමු සික් ජාතික අග්රාමාත්යවරයා වූ ආචාර්ය මන්මෝහන් සිං රෝහල් ගතව ප්රතිකාර ලබමින් සිටිය දී පසුගිය බ්රහස්පතින්දා රාත්රියේ අභාවප්රාප්ත වුණා.
ආචාර්ය මන්මෝහන් සිංගේ අවසන් කටයුතු අද පෙරවරු 11:45 ට දිල්ලි නිගම්බෝද් ගාට් ආදාහනාගාරයේදී සිදු කිරීමට නියමිතව තිබෙනවා.
2014 ලෝක් සභා මැතිවරණයේ දී භාරතීය ජනතා පක්ෂය අතින් කොංග්රසය පරාජය වීමෙන් පසුදේශපාලන ජීවිතයෙන් විශ්රාම ගත් ආචාර්ය මන්මෝහන් සිං, 2023 අගෝස්තු මාසයේදී ඔහු සාමාජිකයෙකු වූ රාජ්ය සභාවේදී අවසන් වරට ප්රසිද්ධියේ පෙනී සිටියා.
