මත්ද්රව්යවලට ඇබ්බැහිවූවන් පුනරුත්ථාපනය කරන මුවාවෙන් නීති විරෝධීව මොරටුමුල්ල ප්රදේශයේ පවත්වාගෙන ගිය පුනරුත්ථාපන මධ්යස්ථානයක් වටලා එය පවත්වාගෙන ගිය පුද්ගලයන් දෙදෙනෙක් අත්අඩංගුවට ගත් බව පොලිසිය සඳහන් කරනවා.
අදාළ නීති විරෝධී පුනරුත්ථාපන මධ්යස්ථාන පවත්වාගෙන ගිය ගොඩනැගිල්ල තුළ සිරමැදිරි ආකාරයෙන් සකසන කාමර කීපයක් ද දක්නට තිබූ යි පොලිසිය පැවසුවේ.
එම මධ්යස්ථානය වටලන අවස්ථාවේ දී ප්රතිකාර සඳහා එහි නවාතැන් ගෙන සිටි පුද්ගලයන් කිහිප දෙනෙක් ද සිට තිබෙනවා.
පොලිස් විමර්ශනවලදී අනාවරණය වී ඇත්තේ මත්ද්රව්යවලට ඇබ්බැහිවූවන් පුනරුත්ථාපනය කරන සුඛෝපභෝගී මධ්යස්ථානයක් ලෙස මුහුණු පොතේ දැන්වීම් පළකර මෙම ස්ථානය පවත්වාගෙන ගොස් ඇති බවටයි.
එහි පුනරුත්ථාපනය වන අයෙකු සඳහා විශාල මුදලක් අය කරන බවත්, අහාර පාන සඳහා වෙනම මුදල් ගෙවීමට සිදුවන බවත් අදාළ දැන්වීම්වල දක්වා තිබෙනවා.
මෙම ස්ථානයට පැමිණෙන පුද්ගලයින්ට ප්රතිකාර ලබාදීම සඳහා අවම වශයෙන් වෛද්යවරයෙක් හෝ නොමැතිව එය පවත්වාගෙන ගොස් ඇති අතර, පොලීසය පැවසුවේ මෙම ස්ථානය ඉතා අපිරිසුදු තත්ත්වයේ පවතී බවයි.
එමෙන්ම මෙම මධ්යස්ථානය පවත්වාගෙන යාම සඳහා සමාජ සේවා දෙපාර්තමේන්තුවෙන් හෝ අන්තරාදායක ඖෂධ අධිකාරියෙන් බලපත්ර ද ලබාගෙන නිමති බවයි වාර්තා වන්නේ.
