බිම්පුත් ෆිනෑන්ස් සමාගමේ බලපත්‍රය අවලංගු කරයි

බලපත්‍රලාභී මූල්‍ය සමාගමක් වන බිම්පුත් ෆිනෑන්ස් පීඑල්සී (BFP) සමාගමේ බලපත්‍රය අවලංගු කර තිබෙනවා.

2011 අංක 42 දරන (FBA) මූල්‍ය ව්‍යාපාර පනත යටතේ ලියාපදිංචි සමාගමක් වන එය සඳහා නිකුත් කර ඇති සාමාන්‍ය උපදෙස් සහ රීති කිහිපයක් අඛණ්ඩව උල්ලංඝනය කිරීම හමුවෙයි බැංකුව මෙම තීරණය ගෙන ඇත්තේ.

මූල්‍ය පද්ධතියේ ස්ථායීතාවයේ සමස්ත පරමාර්ථය සහ සමාගමේ තීරණාත්මක මූල්‍ය තත්ත්වය ආමන්ත්‍රණය කිරීම සඳහා සමාගම වෙත නිකුත් කරන ලද නිශ්චිත උපදෙස් අනුගමනය නොකිරීම හමුවේ එහි ප්‍රතිඵලයක් වශයෙන්, හිඟ ප්‍රාග්ධන මට්ටම, දුර්වල වත්කම් තත්ත්ව සහ අඛණ්ඩ පාඩු හේතුවෙන් එහි මූල්‍ය තත්ත්වය පිරිහෙමින් තිබු බව මහ බැංකුව පෙන්වා දෙනවා.

ශ්‍රී ලංකා මහ බැංකුවේ මුදල් මණ්ඩලය විසින් බිම්පුත් ෆිනෑන්ස් පීඑල්සී වෙත කිහිප වතාවක් දීර්ඝ කිරීම් ලබා දී තිබියදීත්, අදාළ උපදෙස් සහ ඒ යටතේ නිකුත් කර ඇති රීතිවල විධිවිධානවලට අනුකූල වීමට මෙන්ම මුහුණ දුන් බරපතල තත්ත්වය පුනර්ජීවනය කිරීම සඳහා සතුටුදායක ප්‍රගතියක් ලබා නොමැති බව සඳහන්.

ඉහත කරුණු සැලකිල්ලට ගනිමින්, අද (2023.09.01) දින සිට බලපැවැත්වෙන පරිදි මූල්‍ය ව්‍යාපාර කරගෙන යාමට බිම්පුත් ෆිනෑන්ස් පීඑල්සී වෙත නිකුත් කර ඇති බලපත්‍රය අවලංගු කිරීමට මුදල් මණ්ඩලය තීරණය කර තිබෙනවා.

ඒ අනුව, සමාගමට අද සිට ක්‍රියාත්මක වන පරිදි මූල්‍ය ව්‍යාපාරවල නිරත වීමට අවසර හිමිවන්නේ නැහැ.

නිකුත් කරන ලද මුදල් මණ්ඩලයේ උපදෙස්වලට බොහෝ දුරට අනුකූලව, බිම්පුත් ෆිනෑන්ස් පීඑල්සී විසින් 2022 වසරේදී සිය තැන්පතු වගකීම් වලින් විශාල කොටසක් ආපසු ගෙවීමට සමත් වී තිබෙනවා.

ශ්‍රී ලංකා තැන්පතු රක්ෂණ සහ ද්‍රවශීලතා ආධාරක යෝජනා ක්‍රමය (SLDILSS) හි හිමිකම් නොගත් තැන්පත්කරුවන්ට එක් තැන්පත්කරුවෙකුට උපරිම රුපියල් 1,100,000 වන්දි ගෙවීමට අවශ්‍ය ක්‍රියාමාර්ග ආරම්භ කරනු ඇති.

ඒ අනුව, බිම්පුත් ෆිනෑන්ස් හි සියලුම සුදුසුකම් ලත් තැන්පත්කරුවන්ට බලපත්‍රය අවලංගු කළ දින සිට වසර දෙකක් ඇතුළත හෝ නිසි අධිකරණයක් විසින් ඈවර කරන්නා පත් කිරීමට පෙර, නියමිත හිමිකම් ඉදිරිපත් කිරීමෙන් පසු ඔවුන්ගේ තැන්පතු සම්පූර්ණයෙන්ම අයකර ගැනීමට හැකියි.

මහ බැංකුව බිම්පුත් ෆිනෑන්ස් වෙත දැනුම් දී ඇත්තේ සියලුම තැන්පත්කරුවන්ට නියමිත වේලාවට ගෙවිය යුතු මුදල් සමාගමේ නමින් බැංකු ගිණුමක් හරහා පමණක් ආපසු ගෙවන ලෙසටයි. වැනි සියලුම ගෙවීම් සඳහා වාර්තා තබා ගන්නා ලෙසට තැන්පත්කරුවන්ට දැනුම්දී තිබෙනවා.

බිම්පුත් ෆිනෑන්ස් පී එල් සී 2011 අංක 42 දරණ මුදල් ව්‍යාපාර පනත යටතේ නිකුත්කල බලපත්‍රය අවලංගු කිරීම

011 අංක 42 දරණ මුදල් ව්‍යාපාර පනත (මුදල් ව්‍යාපාර පනත) යටතේ බලපත්‍රලාභී මුදල් සමාගමක් ලෙස කටයුතු කරන බිම්පුත් ෆිනෑන්ස් පී.එල්.සී ආයතනය එම පනතේ ප්‍රතිපාදන සහ එකී පනත යටතේ නිකුත් කරඇති සමස්ථ මුල්‍ය පද්ධති ස්ථායිතාවය සපල කරගැනීමේ අරමුණින් පනවන ලද පොදු විධාන සහ එම ආයතනයේ දුර්වල මුල්‍ය තත්ත්වය පිළිබද ගැටළු නිරාකරණය කර ගැනීමේ අරමුණින් පණවන ලද විශේෂිත විධාන සහ නීතීන් ගණනාවක් අඛණ්ඩව කඩකරමින්/ පටහැනි ලෙස කටයුතු කරමින් පැවතුනි. මෙම තත්වය හේතු කොටගෙන පැන නැගුණු ඌන ප්‍රාග්ධන මට්ටම, ගුණාත්මක බවින් අඩු වත්කම් සහ අඛණ්ඩව වාර්තා වූ අලාභයන් හේතුවෙන් එම ආයතනයේ මුල්‍ය තත්වය තවදුරටත් දුර්වල වී පැවතුනි.

මුදල් ව්‍යාපාර පනතේ ප්‍රතිපාදන සහ එකී පනත යටතේ නිකුත් කරඇති විධාන සහ නීතීන් වලට මෙන්ම බැංකු නොවන මුල්‍ය ආයතන එකාබද්ධ කිරීමේ සැලැස්ම සදහා ද අනුගතවීම සදහා ශ්‍රී ලංකා මහ බැංකුවේ මුදල් මණ්ඩලය (මුදල් මණ්ඩලය) විසින් කිහිප අවස්ථාවකදී කාලය දීර්ඝ කිරීම් සිදුකලද එම පනතේ ප්‍රතිපාදන සහ එකී පනත යටතේ නිකුත් කරඇති විධාන සහ නීතීන් වලට අනුගත වීමටත් , ආයතනයේ පැවති දුර්වල තත්ත්වය මගහරවා ගනිමින් සෑහීමකට පත්විය හැකි වර්ධනයක් පෙන්වීමටත් ආයතනය අපොහොසත් විය.

මෙම තත්වය සලකා බැලු මුදල් මණ්ඩලය විසින් 2023.09.01 දින සිට බලපැවැත්වෙන පරිදි මුදල් ව්‍යාපාර පනත යටතේ මුදල් ව්‍යාපාර කටයුතු වල නිරත වීමට බිම්පුත් ෆිනෑන්ස් පී.එල්.සී ආයතනය වෙත ලබා දී තිබු බලපත්‍රය අවලංගු කිරීමට තීරණය කරන ලදී. ඒ අනුව එම දින සිට බලපැවැත්වෙන පරිදි බිම්පුත් ෆිනෑන්ස් පී.එල්.සී ආයතනයට මුදල් ව්‍යාපාර කටයුතු වල නිරත විය නොහැක.

මුදල් මණ්ඩලය විසින් නිකුත් කර ඇති විධාන වලට බොහෝ දුරට අනුකුල වෙමින් බිම්පුත් ෆිනෑන්ස් පී.එල්.සී ආයතනය විසින් එහි තැන්පතු වගකීම් වලින් වැඩි කොටසක් 2022 වර්ෂය තුලදී තැන්පතුකරුවන් වෙත ආපසු ගෙවීමට කටයුතු කර ඇති අතර, මෙතෙක් තම හිමිකම් ලබා නොගත් තැන්පතුකරුවන් වෙත ශ්‍රී ලංකා තැන්පත් රක්ෂණ සහ ද්‍රවශීලතා ආධාරක යෝජනා ක්‍රමය (තැන්පතු රක්ෂණ ක්‍රමය) ඔස්සේ, එම යෝජනා ක්‍රමයේ රෙගුලාසිවලට අනුකූලව, එක් තැන්පතුකරුවෙකු වෙත රුපියල් 1,100,000/- ක් වූ උපරිමයකට යටත්ව රක්ෂණ වන්දි ගෙවීමට කටයුතු කරනු ඇත. ඒ අනුව, තැන්පතු රක්ෂණ ක්‍රමයේ රෙගුලාසිවලට අනුකූලව මේ වන තෙක් තම හිමිකම් ලබා නොගත් බිම්පුත් ෆිනෑන්ස් පී.එල්.සී ආයතනයේ සුදුසුකම් ලත් සියලුම තැන්පත්කරුවන් හට ස්වකීය හිමිකම්පෑම් ඉදිරිපත් කිරීමට යටත්ව “බලපත්‍රය අවලංගු කළ දින සිට වසර දෙකක් ඇතුළත” හෝ “නිසි අධිකරණයක් විසින් ඈවරකරුවෙකු පත් කිරීම” යන කරුණු අතරින් පළමුව සිදුවන කරුණ දක්වා කාල පරාසය තුල සිය මුලු තැන්පතු මුදල ම නැවත ලබා ගැනීමට හැකියාව ලැබෙනු ඇත.

බිම්පුත් ෆිනෑන්ස් පී.එල්.සී ආයතනයේ සියළුම ණය ගැතියන් වෙත නියමිත පරිදි එම ආයතනය නමින් ඇති බැංකු ගිණුම් හරහා පමණක් තම ගෙවිය යුතු මුදල් ආපසු ගෙවන ලෙසත් එකී ගෙවීම් සදහා නියමිත වාර්තා තමන් සතුව තබා ගැනීමටත් උපදෙස් දෙනු ලැබේ.

පහත මාධ්‍යය ඔස්සේ බැංකු නොවන මුල්‍ය ආයතන අධීක්ෂණ දෙපාර්තමේන්තුව ඇමතිම මගින් වැඩිදුර කරුණු විමසීම් කල හැක.

දුරකථන : 0112 477229, 0112 477504
ෆැක්ස් : 0112 477 738
විද්‍යුත් තැපෑල : [email protected]