බ්රිතාන්යය පුරා පැතිර යන කෝලාහල සම්බන්ධයෙන් ගත යුතු පියවර සාකච්ඡා කිරීම සඳහා අද (05) පෙරවරුවේ බ්රිතාන්ය අගමැති Keir Starmer විසින් විශේෂ රැස්වීමක් කැඳවනු ලැබුවා.
විදෙස් මාධ්ය වාර්තා කරන පරිදි මෙම හදිසි රැස්වීම එරට අග්රාමාත්ය කාර්යාලයේ දී පැවැත්වෙනවා.
සංක්රමණික ජන කොටස්වලට එරෙහි ව සති අන්තයේ එරට ප්රදේශ කිහිපයක විරෝධතා පැවති අතර එහිදී පොලිස් නිලධාරීන් සමග ගැටුම් ඇතිකර ගත් 150 දෙනෙක් පමණ අත්අඩංගුවට පත් වුණා.
මීට දින කිහිපයකට ඉහත දී 17 හැවිරිදි තරුණයෙකු විසින් පිහියකින් ඇන කුඩා ගැහැණු දරුවන් තිදෙනෙක් ඝාතනය කර තිබූ අතර එම සිද්ධියෙන් අනතුරුවයි එරට තුළ දැඩි මුස්ලිම් විරෝධයක් මතුවෙමින් ඇත්තේ.
විරෝධතාකරුවන් විසින් සරණාගතයින් පිරිසක් රඳවා සිටින රොතර්හැම් හි හෝටලයකට ද මෙම සිදුවීමෙන් පසුව ප්රහාරයක් එල්ල කර තිබුණා.
ටැම්වර්ත්, මිඩ්ල්ස්බ්රො, බෝල්ටන්, හල් සහ වේමවුත් යන ප්රදේශවල ද කෝලාහල ඇති වූ බවයි CNN පුවත් සේවය වාර්තා කර ඇත්තේ.
