බොහෝ තායිවාන වැසියන්ට කනස්සල්ලෙන් තොරව චීනයට පැමිණිය හැකි බව චීන රජය පවසනවා.
“දරුණු” බෙදුම්වාදීන්ට මරණ දඬුවම ක්‍රියාත්මක කරන බවට බීජිං වෙතින් එල්ල වූ තර්ජනයට අනුව එහි සංචාරය නොකරන ලෙස තායිවානය තම පුරවැසියන්ට අනතුරු ඇඟවූවා.
තායිවාන ස්වාධීන බෙදුම්වාදීන්ට නඩු පැවරීමට සහ ආන්තික අවස්ථාවන්හි දී මරණීය දණ්ඩනය පැනවීමේ නීතිමය මාර්ගෝපදේශ චීනය ප්‍රකාශයට පත් කිරීමෙන් පසු අත්‍යවශ්‍ය නම් මිස චීනයේ සංචාරය නොකර ලෙස තායිවාන රජය පසුගිය සිකුරාදා සංචාරක අනතුරු ඇඟවීමක් නිකුත් කළා.
ප්‍රජාතන්ත්‍රවාදීව පාලනය වන තායිවානය චීනය සලකන්නේ තමන්ගේම භූමියක් ලෙසයි.
තායිවානය කරුණු නොසලකා හැර ඇති අතර දේශපාලන උපක්‍රමයක් ලෙස තමන්ගේම ජනතාව බිය ගැන්වීමට උත්සාහ කරන අතර ඊට දැඩි ලෙස විරුද්ධ බව චීනය නිවේදනයක් නිකුත් කරමින් කියා සිටිනවා.
“තායිවාන වැසියන්ගෙන් බහුතරයකට ප්‍රධාන භූමියට සහ ඉන් පිටතට ගමන් කිරීම ගැන කිසිදු කනස්සල්ලක් ඇති කර ගත යුතු නැත. ඔවුන්ට අතිශයින්ම උද්‍යෝගයෙන් පැමිණ හොඳින් පිටත්ව යා හැකියි.” චීන රජය නිකුත් කළ නිවේදනයේ සඳහන්.
තායිවානයේ සංචාරක අනතුරු ඇඟවීම චීනයේ හොංකොං සහ මැකාවු නගරවලට ද අදාළ වනවා.
චීන උසාවිවලට තායිවානයේ අධිකරණ බලයක් නොමැති අතර චීනය තම දේශසීමාවෙන් පිටත ඕනෑම නීතිමය විනිශ්චයක් ක්‍රියාත්මක කිරීමට උත්සාහ කරන්නේ කෙසේද යන්න පැහැදිලි නැතත්, ඔවුන් කොතැනක සිටියත් තායිවාන බෙදුම්වාදීන් ලෙස සලකන පුද්ගලයින් පසුපස හඹා යාමට චීනය ප්‍රතිඥා දී තිබෙනවා.
