අමෙරිකානු ජනාධිපති ජෝ බයිඩ්න් ඊශ්‍රායලය සඳහා අමෙරිකානු ඩොලර් බිලියන 08ක ආයුධ තොගයක් යැවීමට සැලසුම් කර තිබෙනවා.
බීබීසී මාධ්‍ය වාර්තා කළේ; බයිඩ්න් සිය ජනාධිපති ධුර කාලය අවසන් වීමට සති දෙකක් පමණක් තිබියදී මෙම තීරණය ගෙන ඇති බවයි.
අමෙරිකානු රාජ්‍ය දෙපාර්තමේන්තුව විසින් මෙම තීරණය සම්බන්ධයෙන් නිල වශයෙන් තහවුරු කිරීමක් ද සිදු කරනු ලැබුවා.
ඊශ්‍රායලය සහ පලස්තීනය අතර පවතින යුද්ධයට සහාය දැක්වීම පිණිසයි බයිඩ්න් මෙම තීරණය ඊශ්‍රායලය වෙනුවෙන් ගෙන ඇත්තේ.
ඒ අනුව ඊශ්‍රායලයට මිසයිල, ෂෙල් වෙඩි සහ සෙසු යුදෝපකරණ හිමිගැන්වීමට සෙනෙට් මණ්ඩල අනුමැතිය හිමි ව තිබෙනවා.
ගාසා තීරයේ යුද්ධයේ දී මියගිය සිවිල් වැසියන් සංඛ්‍යාව හේතුවෙන් ඊශ්‍රායලයට මිලිටරි පිටුබලය අත්හිටුවීමට කරන ලද ඉල්ලීම් වොෂින්ටනය ප්‍රතික්ෂේප කර ඇති බවත් බීබීසී මාධ්‍ය වාර්තා කර තිබෙනවා.
අගෝස්තු මාසයේ දී එක්සත් ජනපදය ඊශ්‍රායලයට ප්‍රහාරක ජෙට් යානා සහ අනෙකුත් හමුදා උපකරණ ඩොලර් බිලියන 20ක් විකිණීමට අනුමත කළා.
