ඉදිරි මුදල් වර්ෂයේ දී බදු සහ විදුලි මිල වැඩි කිරීමට රජය ගත් තීරණයට එරෙහි ව රටේ සියලුම ප්‍රධාන නගරවල වෙළඳුන් විරෝධතා ආරම්භ කර තිබෙනවා.
ඉස්ලාමාබාද් හි දී, සමස්ත පකිස්තාන අන්ජුමන්-ඊ-ටජිරාන් සංවිධානයේ කැඳවීමට ප්‍රතිචාර දක්වමින් වෙළෙන්දෝ, ප්‍රධාන මාර්ගය අවහිර කරමින් දැවැන්ත විරෝධතාවක් පැවැත්වූවා.
පෙළපාලිකරුවන් විසුරුවා හැරීමට විශාල පොලිස් නිලධාරීන් පිරිසක් යොදවා තිබුණා.
රජයට එරෙහි ව සටන් පාඨ කියමින් විරෝධතාකරුවන් බැනර් අතැතිව විදුලි බිල්පත් රැගෙන විරෝධතාවයේ නිරත වුණා.
“මෙය තනිකරම වෙළඳුන්ගේ විරෝධතාවකි; කිසිදු දේශපාලන පක්ෂයකට එයට හිමිකම් පෑමට ඉඩ නොදේ,” යැයි විරෝධතාවයේ සංවිධායකයින් මාධ්‍ය හමුවේ ප්‍රකාශ කළා.
විරෝධතාකරුවන් පවසන්නේ විදුලි බිල මත බදු වර්ග 13ක් පනවා ඇති බවයි.
කයිබර්-පක්තුන්ක්වා, කරච්චි, බලුකිස්තාන් සහ සින්ද්හි ව්‍යාපාරිකයන් ද විරෝධතා පවත්වනවා.
රාවල්පින්ඩි හි ව්‍යාපාරිකයන් සංකේතාත්මක ලෙස පස්වරු 4ට වෙළෙඳසැල් වසා විරෝධතාවට එක් වුණා.
මේ වන විට විරෝධතාවලින් තොර දිස්ත්‍රික්කයක් පාකිස්තානයේ සොයා ගැනීමට නැතැයි පාකිස්තාන් ටුඩේ වෙබ් අඩවිය වාර්තා කරනවා.
