බදු ගෙවන්න ලබා දී ඇති අවසන් දවස අද

2023/2024 තක්සේරු වර්ෂය සඳහා ගෙවිය යුතු සියලුම ආදායම් බදු මුදල් අද (30) දිනයේ දී ගෙවා අවසන් කළ යුතු බව දේශීය ආදායම් දෙපාර්තමේන්තුව මීට පෙර දැනුම් දී තිබුණා.

ආදායම් බදු ගෙවිය යුතු කිසියම් පුද්ගලයෙක් එම බදු ගෙවීම පැහැර හරින්නේ නම් හෝ ප්‍රමාදවීම සිදුවන්නේ නම් ඔවුන්ට එරෙහිව නීත්‍යානුකූල පියවර ගන්නා බවයි එම දෙපාර්තමේන්තුව පැවසුවේ.

මේ අතර කිසියම් පුදගලයෙක් ඕනෑම බදු වර්ගයක් සඳහා ගෙවිය යුතු හිඟ බදු පවතින්නේ නම් එම බදු මුදලක් ද අද දිනට පෙර ගෙවා අවසන් කළ යුතු වනවා.

1944 දුරකථන අංකය ඔස්සේ මේ පිළිබඳව වැඩිදුර තොරතුරු දැනගැනීමට අවස්ථාව සලසා ඇති බව දේශීය ආදායම් දෙපාර්තමේන්තුව වැඩිදුරටත් පැවසුවා.