ප්‍රාථමික කර්මාන්ත රාජ්‍ය ඇමති චාමර සම්පත් දසනායක බදුල්ල පොලිස් ස්ථානයට කඩාවැදී එහි නිලධාරීන්ට බැන තර්ජනය කර ඇති බවට තොරතුරු වාර්තා වනවා.
බදුල්ල බස් නැවතුම්පළ ඉදිරිපිට මැතිවරණ නීති උල්ලංඝනය කරමින් කටයුතු කළ පුද්ගලයින් පිරිසක් පොලිසිය විසින් අත්අඩංගුවට ගත් බවට උරණ වී රාජ්‍ය අමාත්‍යවරයා මෙලෙස පොලිස් ස්ථානයට පැමිණ කළහකාරී ලෙස හැසිරී ඇති බවයි වාර්තා වුණේ.
ස්වාධීන ජනාධිපති අපේක්ෂක රනිල් වික්‍රමසිංහට සහාය පළකරමින් “පුළුවන් ශ්‍රී ලංකා” යනුවෙන් සඳහන් ටී ෂර්ට් පැළඳ මැතිවරණ නීති උල්ලංඝනය කරමින් මැතිවරණ ප්‍රචාරණ කටයුතුවල යෙදුනු පිරිසක් මෙලෙස අත්අඩංගුවට ගෙන තිබුණා.
එහිදී බදුල්ල පොලිසියට කඩාවැදුණු රාජ්‍ය අමාත්‍ය චාමර සම්පත් එම පිරිස නිදහස් කරගෙන ගොස් ඇති බවයි තොරතුරු වාර්තා වුණේ.
චාමර සම්පත් රාජ්‍ය අමාත්‍යවරයා පොලිසිය තුළ කළහකාරී ලෙස හැසිරෙන අයුරු අසල සිටි පුද්ගලයෙක් මෙලෙස වීඩියෝ කර තිබුණා.
wpDiscuz
