පෞද්ගලික ආරක්ෂක සේවා නියාමනය කිරිම සඳහා නිර්ණායක සකස් කිරීම අවශ්ය බව ජාතික ආරක්ෂාව පිළිබඳ ආංශික අධීක්ෂණ කාරක සභාව පවසනවා.
පාර්ලිමේන්තු සන්නිවේදන අංශය සඳහන් කළේ; .එම කාරක සභාව පාර්ලිමේන්තු මන්ත්රී ආචාර්ය සරත් වීරසේකරගේ සභාපතිත්වයෙන් පසුගියදා රැස් වූ අවස්ථාවේදීයි.
එම සංවාදයේ දී පාතාලය මර්දනය කරන්න දක්ෂ පොලිස් ස්ථානාධිපතිවරුන් අවශ්ය බවත්; පොලීසිය, කාරක සභාවට දන්වා තිබෙනවා.
යම් යම් පුද්ගලයින් තමන්ගේ ආරක්ෂාව උදෙසා පෞද්ගලික ආරක්ෂකයින්ගේ සේවාව ලබා ගැනීම පිළිබඳ ව ජාතික ආරක්ෂාව පිළිබඳ ආංශික අධීක්ෂණ කාරක සභාවේ දී අවධානය යොමු වුණා.
පෞද්ගලික ආරක්ෂකයින් පිරිවරාගෙන ගමන් කරන ඇතැම් පුද්ගලයින් හේතුවෙන් මහජනතාව යම් යම්
පීඩාකාරී තත්ත්වයන්ට මුහුණදෙන බව කාරක සභා සාමාජිකයෝ මෙහිදී පෙන්වා දුන්නා.
යම් පුද්ගලයකු ලබා ගන්නා පෞද්ගලික ආරක්ෂාව පිළිබඳ ව නීතිමය වශයෙන් පොලීසියට මැදිහත්විය නොහැකි බව කරුණු දක්වමින් ජ්යෙෂ්ඨ පොලිස් නිලධාරීන් සඳහන් කළා.
කෙසේ වෙතත් එම පෞද්ගලික ආරක්ෂක සේවාවල පිරිස් ආයුධ භාවිත කරන බැවින් යම් නියාමනයක් ඊට අවශ්ය බවයි කාරක සභාව පෙන්වා දුන්නේ.
පුද්ගලයින් පෞද්ගලික ආරක්ෂක සේවා ලබා ගැනීමේ දී එම නියාමය කිරීමට අදාළ නිර්ණායක සකස් කිරීමට ආරක්ෂක අමාත්යාංශයට උපදෙස් ලබාදීමට ද කාරක සභාව තීරණය කළා.
පාතාල ආශ්රිත ක්රියාකාරකම්වල වර්ධනයක් පැවතීම පිළිබඳව ද කාරක සභාව තුළ දීර්ඝ ලෙස සාකච්ජා කෙරුණු බව ද වාර්තා වුණා.
ත්රිවිධ හමුදාවේ සේවයේ නියුතු පිරිස් අපරාධ සිදු කිරීම සඳහා යොමුවීමේ වර්ධනයක් පෙන්නුම් කරන බව ද කාරක සභාවේ දී අනාවරණය වුණු අතර එහිදී අපරාධකරුවන් හඳුනාගැනීම පිළිබඳ ව යම් දුර්වලතාවක් පවතින බවයි පොලිස්පතිවරයා පෙන්වා දුන්නේ.
