පොසොන් උත්සවය වෙනුවෙන් අනුරාධපුරයට විශේෂ බස් රථ සේවාවක් ක්‍රියාත්මක කරන බව ලංකා ගමනා ගමන මණ්ඩලය පවසනවා.
මේ අතර, හෙටට යෙදෙ‍න පොසොන්පුර පසළොස්වක පොහොය දිනය නිමිත්තෙන් පැමිණෙතැයි අපේක්ෂා කරන මිලියනකට අධික අති විශාල ජනතාව වෙනුවෙන් සියලු පහසුකම් සුදානම් කර ඇතැයි අනුරාධපුර නාගරික කොමසාරිස්වරයා කියා සිටියා.
මිහිඳු මාහිමියන්ගේ ලංකාගමනය සිහිපත් කරන පොසොන් පොහොය සැමරීමට මේ වන විට රට පුරා පවතින්නේ දැඩි සූදානමක්.
මීට සමගාමීව අනුරාධපුරය ද පොසොන් පොහොය නිමිත්තෙන් තොරණ දන්සැල් ඇතුළු ක්‍රියාකාරකම් රැසක් සංවිධාන කර තිබෙනවා.
අනුරාධපුර මහ නගර සභාව පවසන්නේ ජාතික පොසොන් උත්සවයට සහභාගි වීම සඳහා හෙට (21) සහ අනිද්දා (22) දෙදින මිලියනයකට අධික ජනතාවක් අනුරාධපුරයට පැමිණෙතැයි අපේක්ෂා කරන බවයි.
මිහින්තලය අනුරාධපුර අටමස්ථානය ඇතුළු පුදබිම් වැදපුදා ගැනීම සඳහා හෙට දිනයේ පැමිණෙන අති විශාල ජනතාව වෙනුවෙන් ප්‍රමාණවත් පරිදි බස් රථ සේවා ක්‍රියාත්මක කර ඇති බවයි ලංකා ගමනාගමන මණ්ඩලය පවසන්නේ.
