කලක සිට සිදුකරගෙන ගිය නීති විරෝධී මත්පැන් ජාවාරමක් පොලිසියේ ස්ථානාධිපතිවරයාගේ ඉල්ලීම මත නවතා දැමූ පුද්ගලයෙක් පිළිබඳ පුවතක් දඹුල්ල, තිත්තවැල්ගොල්ල ප්රදේශයෙන් වාර්තා වනවා.
ඒ, අනුව අදාළ පුද්ගලයා විසින් නීති විරෝධී මත්පැන් නිෂ්පාදනයට යොදාගත් උපකරණ සියල්ල පොලිසිය වෙත ගෙනවිත් භාරදීම අද (26) සිදු බවයි දසත නිවුස් වාර්තාකරු සඳහන් කළේ.
දඹුල්ල පොලිස් ස්ථානාධිපති සුගත් විජේසුන්දර, දඹුල්ල මහානගර සභා නගරාධිපති වසන්ත රාජ මන්ත්රී ඇතුළු ප්රදේශවාසීන් ඉදිරියේ දී එම උපකරණ පොලිසියට මෙලෙස ගෙනවිත් භාරදීමට අදාළ පුද්ගලයා කටයුතු කර ඇති බවයි වාර්තා වුණේ.
දඹුල්ල පොලිස් බල ප්රදේශයේ තිත්තවැල්ගොල්ල ප්රදේශයේ නීතිවිරෝධී මත්පැන් ජාවාරම සිදුකරන බවට ලැබුණු පැමිණිලි මත පොලිසිය වැටලීම් සිදුකර එම ජාවාරම සිදුකරගෙන ගිය පුද්ගලයින් අත්අඩංගුවට ගෙන තිබෙනවා.
කෙසේ වෙතත් එම ජාවාරම දිගින් දිගටම කරගෙන ගොස් ඇති පසුබිමක දඹුල්ල මූලස්ථාන පොලිසියේ ස්ථානාධිපතිවරයා එම ජාවාරම්කරුවන් හමු වී මෙම නීති විරෝධී ව්යාපාරය නවතා දමන ලෙසයි ඉල්ලීම් කර ඇත්තේ.
එම ඉල්ලීමට කන්දුන් එක් පුද්ගලයෙක් මෙලෙස නීතිවිරෝධී මත්පැන් ජාවාරම නවතා දැමීමට තීරණය කර තිබෙනවා.
