බණ්ඩාරගම – ගම්මන්පිල වැව අසළ දී මෝටර් රථයක් අනතුරට ලක්ව තරුණයෙක් ජීවිතක්ෂයට පත්ව තිබෙනවා.
අද (16) අලුයම සිදු වූ මෙම අනතුරින් ජීවිතක්ෂයට පත්ව ඇත්තේ බණ්ඩාරගම, අඳුන්වැන්න ප්‍රදේශයේ පදිංචිව සිටි වෙළෙඳ නාවිකයෙකු ලෙස රැකියාව කළ 26 හැවිරිදි තරුණයෙක්.
මෙම තරුණයා බණ්ඩාරගම, වෑවිට ප්‍රදේශයේ සිය පෙම්වතියගේ නිවසට ගොස් යළි නිවස බලා පැමිණෙමින් සිටි දී මෙම අනතුරට මුහුණ පා ඇති බවයි බවයි වාර්තා වුණේ.
මොහු ගමන්ගත් මෝටර් රථය මාර්ගයෙන් ඉවතට පැන විදුලි කණුවක ගැටී අඩි 15ක් පමණ වූ බෑවුමකට පෙරළී ගොස් මෙම අනතුර සිදුව තිබෙනවා.
අනතුරින් පසු මෝටර් රථයේ සිරවී සිටි තරුණයා ඉන් පිටතත ගෙන රෝහල් ගත කිරීමට කටයුතු කළත් ඒ වන විටත් ඔහු ජීවිතක්ෂයට පත්ව තිබූ බවයි වාර්තා වුණේ.
මෝටර් රථය පැදවූ තරුණයාට නින්ද යාම හේතුවෙන් මෙම අනතුර සිදුවන්නට ඇති බවයි පොලිසිය සැක පළ කරන්නේ.
ඔබේ ප්‍රතිචාරය කුමක්ද ?
+1
+1
1
+1
+1
+1
3
+1
+1
