පුද්ගලික බස් රථවලින් දිනකට රුපියල් කෝටියක කප්පම් ගන්නවා – ගැමුණු විජේරත්න (වීඩියෝ)

පුද්ගලික බස් රථවලින් දෛනිකව රුපියල් කෝටියක පමණ කප්පම් මුදලක් ගෙවීමට සිදුව ඇති බව ලංකා පුද්ගලික බස් හිමියන්ගේ සංගමයේ සභාපති ගැමුණු විජේරත්න පවසනවා.

අද (20) පෙරවරුවේ පැවති මාධ්‍ය හමුවක දී ඔහු මේ බව සඳහන් කළා.

එහිදී සභාපතිවරයා සඳහන් කළේ දිවයින පුරා සිටින නිල සහ නිල නොලත් කප්පම්කරුවන් විසින් මෙලෙස කප්පම් මුදල් ලබාගන්නා බවයි.

මේ අතර සභාපතිවරයා පවසා සිටියේ ඇතැම් වේලා සටහන්කරුවන් ද පුද්ගලික බස් රථවලින් කප්පම් මුදල් අක්කර ගන්නා බවයි.

මේ අතර පුද්ගලික බස් රථවලින් කප්පම්කරුවන් ලබාගන්නා කප්පම් මුදල් නතර කිරීමට වහාම කටයුතු කරන ලෙසට පොලිස්පතිවරයා අදාළ නිලධාරීන්ට උපදෙස් ලබා දී ඇති බවයි සභාපතිවරයා මෙහිදී වැඩිදුරටත් සඳහන් කළේ.

ඒ, අනුව මේ සම්බන්ධයෙන් මීට දින තුනකට පෙර පොලිසියේ උසස් නිලධාරීන් සහ තම සංගමය අතර සකච්ඡාවක් ද පැවැත් වූ බවයි ද ඔහු පසුවා.