පුත්තලම, අනුරාධපුර මාර්ගයේ 7කණුව ආසන්නයේ අද (19) උදෑසන සිදුවූ බස් රථ අනතුරකින් එක් අයකු මිය ගොස් තවත් අයෙකු තුවාල ලබා ඇතැයි පුත්තලම මුලස්ථාන පොලිසිය පවසනවා.
7 කණුවට ආසන්නයේ හෝටලක් අසළදී මෙම අනතුරු සිදුවී ඇති අතර අධික වේගයෙන් පැමිණි බස් රථයක් තේ පානය සදහා නවතා තිබූ ලුණු පැටවු ලොරි රථයේ වැදී මෙම අනතුර සිදුව තිබෙනවා.
වව්නියාවේ සිට කොළඹ බලා ධාවනය වු එම බස් රථයේ; පා පුරුවේ ගමන් කළ පුද්ගලයකු මෙලෙස එම ස්ථානයේදීම ජීවිතක්ෂයට පත්ව තිබුණා.
බරපතළ තුවාල ලැබූ පුද්ගලයා පුත්තලම රෝහලට ඇතුලත් කර ඇති බවයි අප වාර්තා කරු සඳහන් කළේ.
සිද්ධියෙන් මිය ගොස් ඇත්තේ 18 කණුව අළුත්ගම ඉහළ පුළියන්කුලම පදිංචිව සිටි තිදරු පියෙක්වු එස්.කේ .ආර් ප්රදීප් රත්නසිරි නැමැත්තෙක්.
බස් රථ හා ලොරි රථ රියදුරන් තිදෙනාම සිද්ධිය සම්බන්ධයෙන් පුත්තලම පොලිසිය මගින් අත්අඩංගුවට ගෙන පරීක්ෂණ පවත්වනු ලබනවා.
