හිටපු ගුවන් සේවා අමාත්ය පියංකර ජයරත්නට එරෙහිව අල්ලස් කොමිසම විසින් ගොනු කර ඇති නඩුවේ වැඩිදුර සාක්ෂි විභාගය මාර්තු 24 වනදා කැඳවන ලෙස කොළඹ මහාධිකරණය නියෝග කළා.
මෙම නඩුව අද (27) කොළඹ මහාධිකරණ විනිසුරු රවීන්ද්ර ප්රේමරත්න මහතා ඉදිරියේ කැඳවනු ලැබුවා.
එහිදී ඉදිරිපත් වූ කරුණු සලකා බැලූ විනිසුරුවරයා මෙම නඩුවේ පළමුවන සාක්ෂිකරුට සාක්ෂිදීම සඳහා මාර්තු මස 24 වනදා අධිකරණය හමුවේ පෙනී සිටින ලෙස දන්වා සිතාසි නිකුත් කරන ලෙස නියෝග කළා.
ඉන් අනතුරුව සාක්ෂි විභාගය මාර්තු 24 වනදා කැඳවීමටයිදින නියම කෙරුණේ.
2014 වසරේ මැයි දින පෙළපාළියට සහභාගි වන සිය ආධාරකරුවන්ට දිවා ආහාරය ලබාදෙන ලෙස විත්තිකාර හිටපු අමාත්යවරයා විසින් කරනු ලැබූ ඉල්ලීමකට අනුව ශ්රී ලංකන් කේටරින් සමාගම විසින් එම සමාගමට අයත් රුපියල් තුන්ලක්ෂ විසිදහසක මුදලක් මුදාහැරීම තුළින් රජයට පාඩු සිදුකර දූෂණය නැමැති වරද සිදුකළ බවට චෝදනා කරමින් හිටපු ගුවන් සේවා අමාත්ය පියංකර ජයරත්නට එරෙහිව අල්ලස් කොමිසම විසින් මෙම නඩුව ගොනු කර තිබෙනවා.
