පාසල් විද්‍යාගාරයක විද්‍යා විෂය සඳහා නිර්දේශිත පරීක්ෂණයක් සිදු කරමින් සිටි ශිෂ්‍යාවන් පිරිසක් හදිසියේ එම පරීක්ෂණය පුපුරා යාමෙන් පිළිස්සුම් තුවාල ලබා රෝහල්ගත කර තිබෙනවා.
මෙම සිදුවීම අද (09) දහවල් සිදු ව ඇත්තේ පානදුර නගරයේ ඇති ප්‍රසිද්ධ බාලිකා පාසලකයි.
මෙසේ රෝහල්ගත කර ඇත්තේ වයස අවුරුදු 12 සහ 13 වියැති සිසුවියන් බව ද වාර්තා වනවා.
පිෂ්ඨය පරීක්ෂා කිරීමේ පරීක්ෂණයක් සිදු කරන අතරතුර දී ඉන් නැගුණු ගිනි දැල්ලක් හේතුවෙන් මෙම පිළිස්සුම් තුවාල සිදු ව ඇති බවටයි රෝහල් ආරංචි මාර්ග සඳහන් කළේ.
පාසල් සිසුවියන්ගේ මුහුණ, හිස, අත්වල පිළිස්සීම් සිදු ව ඇති බවත් ඔවුන්ගේ තත්ත්වය බරපතළ නොවන බව ද රෝහල් ප්‍රකාශ‍යෙකු පැවසූ බව දසත ප්‍රාදේශීය වාර්තාකරු පැවසුවා.
ඔබේ ප්‍රතිචාරය කුමක්ද ?
+1
2
+1
+1
1
+1
2
+1
4
+1
+1
