පාසල් අධ්යාපනයෙන් පසු වෘත්තීය අධ්යාපනයට යොමු වීම සඳහා සිසුන්ට අවශ්ය තොරතුරු නිවැරදිව සහ කාර්යක්ෂමව ලබාදීමේ අරමුණින් ‘1966’ වෘත්තීය අධ්යාපන ක්ෂණික ඇමතුම් සේවාවක් හඳුන්වා දී තිබෙනවා.
නාරාහේන්පිට ‘නිපුණතා පියස’ පරිශ්රයේ දී අධ්යාපන, උසස් අධ්යාපන සහ වෘත්තීය අධ්යාපන අමාත්ය, අග්රාමාත්ය හරිනි අමරසූරියගේ ප්රධානත්වයෙන් මෙට ආරම්භ වුණා.
‘1966’ ක්ෂණික ඇමතුම් සේවාව මඟින් වෘත්තීය අධ්යාපනයට අදාළ ඕනෑ ම තොරතුරක් සිංහල, දෙමළ හා ඉංග්රීසි යන භාෂා තුනෙන්ම ලබා ගැනීමේ හැකියාව පවතිනවා.
එමෙන්ම කාර්යක්ෂම සේවාවක් සඳහා, කෘත්රීම බුද්ධි තාක්ෂණය (AI) ඔස්සේ වෘත්තීය අධ්යාපන අමාත්යාංශයේ තාක්ෂණික නිලධාරීන් විසින් සකස් කරන ලද ‘AI Chat BOT’ වෙත පිවිසිය හැකි වනවා.
එමගින් වෘත්තීය අධ්යාපනයට අදාළ ඕනෑ ම ගැටලුවකට විසඳුම් ලබාගත හැකියි.
නව පරිවර්තනීය අධ්යාපන ක්රියාවලියත් සමග නව පාසල් විෂය ධාරාව යටතේ මූලිකව ඉගෙන ගනු ලබන වෘත්තීය අධ්යාපනය ඉදිරියට හැදෑරීම සඳහා නවීන තාක්ෂණය හා ඒකාබද්ධවීමේ වැදගත්කම, මෙහි දී අග්රාමාත්යවරිය සභාව අමතමින් පැහැදිලි කළා.
වෙනස් කළ යුතු තැන් නොපැකිලව වෙනස් කරමින් වෘත්තීය අධ්යාපන ව්යුහය තුළ හෙට දින වැඩලෝකයට සාර්ථකව මුහුණ දීමට අවශ්ය මානව හා භෞතික සම්පත් ගුණාත්මකව සංවර්ධනය කළ යුතු බවත් ඇය මෙහි දී වැඩිදුරටත් කියා සිටියා.
