පොලිස් වසම් කිහිපයක ප්රදර්ශනාගාර සහ වෙළඳසැල් සතු දේපළ සොරා ගත් පුද්ගලයෙක් පිළියන්දල පොලිසිය විසින් අත්අඩංගුවට ගෙන තිබෙනවා.
එම සැකකරු අත්අඩංගුවට ගන්නා අවස්ථාවේදී ද සැකකරු සන්තකයේ තිබී රුපියල් ලක්ෂ 50කට ආසන්න වටිනා ලැප්ටොප් පරිගණක, ප්රොජෙක්ටරයක් සහ වටිනා ස්මාර්ට් අත් ඔරලෝසුවක් ද පොලිසිය විසින් සිය භාරයට ගෙන තිබුණා.
පිළියන්දල පොලිස් වසමේ ජාත්යන්තර පාසලකට සහ වෙළඳ ප්රදර්ශනාගාර දෙකකට එකම දිනයකදී ඇතුළු වූ මෙම සැකකරු එහි තිබූ දේපළ සොරා ගැනීමක් සම්බන්ධයෙන් සිදු කරන ලද විමර්ශනවලට අදාළව CCTV දර්ශන ඔස්සේ සිදු කළ දීර්ඝ විමර්ශනයකින් අනතුරුව සැකකරු කිරිවත්තුඩුව, තලගල ප්රදේශයේදී අත්අඩංගුවට ගත් බව පොලිසිය පවසනවා.
සැකකරු සොරකම කරන මෙම දේපළ විකුණා, එම මුදල් කැසිනෝ ක්රීඩාව සඳහා වැය කර ඈති බවද පොලිස් විමර්ශනවලදී වැඩිදුරටත් අනාවරණය වී තිබෙනවා.
45 හැවිරිදි සැකකරු කැස්බෑව මහේස්ත්රාත් අධිකරණය වෙත ඉදිරිපත් කිරීමට නියමිත අතර පිළියන්දල පොලිසිය වසින් වැඩිදුර විමර්ශන පවත්වනවා.
