චිත්ර හා මූර්ති ශිල්පී රුහුණු පුත්ර, කලා ශූරී, කලා කීර්ති ස්වර්ණතිලක, විස්කම් රන්සිලු යන ගෞරව නාම දිනූ දොන් විමල් වික්රම සුරේන්ද්ර අභාවප්රාප්ත වී තිබෙනවා.
1936 වර්ෂයේදී මාතර කඹුරුගමුව ප්රදේශයේ උපත ලද ඔහු මිය යන විට අසූ හත් වැනි වියේ පසුවිය.
ඔහු මිය යන වන විට කළුතර දූව පන්සල පාර අංක 22 නිවසේ පදිංචිව සිට තිබෙනවා.
මූර්ති නිර්මාණ ශිල්පියකු වශයෙන් ප්රසිද්ධියක් ලද එතුමන් විසින් නිර්මාණය කරන ලද කලා නිර්මාණ සඳහා සම්මාන රැසක්ම දිනාගෙන සිටි.
එතුමා වඩාත්ම ජනප්රියත්වයට සහ සම්මානයට පත්වූයේ ශ්රී ලංකා පාර්ලිමේන්තුව නිර්මාණයේදී ශ්රී ලංකා පාර්ලිමේන්තුවේ ඇති රිදී ආලේපිත ලෝහ කැටයම් සහ ප්රතිමා එතුමාගේ සුරතින්ම නිර්මාණය කර තිබීම මෙන්ම ජනාධිපති ලේකම් කාර්යාලය ඇතුළු රජයේ ගොඩනැගිලි රැසකම ප්රතිමා හා ලෝහ ආශ්රිත නිර්මාණ රැසක්ම එතුමා නිර්මාණය කර තිබීමයි.
එතුමාගේ දේහය කළුතර දකුණ දුව පන්සල පාරේ නිවසේ තැන්පත් කර තිබූ අතර දේහය පිළිබඳ අවසන් කටයුතු අද (18) සවස වස්කඩුව පොදු සුසාන භූමියේදී සිදු කෙරේ.
