හබරණ – පොලොන්නරුව මාර්ගයේ බෝක්කුවක් යට තිබී මිලි මීටර් 40 මල්ටි ග්රෙනේඩ් ලොන්චරයට භාවිතා කරන බෝම්බ පතොරම් 06ක් අඩංගු පාර්සලයක් සොයා ගැනීමට ඊයේ (25) හබරණ පොලිසිය සමත් වී තිබෙනවා.
මාර්ග සංවර්ධන අධිකාරියේ කම්කරුවන් පිරිසක් විසින් මාර්ගය සුද්ද පවිත්ර කිරීමේ කටයුතුවල නිරතව සිටියදී මෙම පාර්සලය දැක ඇති අතර පසුව හබරණ පොලිසිය දැනුවත් කර ඇති බවයි වාර්තා වන්නේ.
සිද්ධිය සම්බන්ධයෙන් හිඟුරක්ගොඩ මහේස්ත්රාත් අධිකරණය කරුණු වාර්තා කිරීමෙන් අනතුරුව එම බෝම්බ පතොරම් 06 නිෂ්ක්රීය කිරීමට අධිකරණය නියෝගයක් ලබා ගත් බව පොලිසිය පවසනවා.
ඒ අනුව අද (26) දින කුරුණෑගල පොලිස් විශේෂ කාර්ය බලකා නිලධාරීන් විසින් එම පතුරම් නිශ්ක්රීය කිරිමට නියමිතයි.
බෝම්බ පතොරම් අඩංගු මෙම පාර්සලය එම ස්ථානයට කවුරුන් විසින් රැගෙනවිත් දමා ඇතිදැයි යන්න හා එම සැකකරුවන් අනාවරණය කර ගැනීම සඳහා හබරණ පොලිසිය විසින් විමර්ශන කටයුතු සිදු කරනවා.
