පාකිස්තානයේ ජාතික විදුලි බල නියාමන අධිකාරිය (නෙප්‍රා) නිවේදනය කළේ ජාතික ගාස්තු සියයට 20කට ආසන්න ප්‍රමාණයකින් සැලකිය යුතු වැඩි කිරීමක් සිදු කරන බවයි.
2024-25 මුදල් වර්ෂය තුළ දළ වශයෙන් පාකිස්තාන රුපියල් ට්‍රිලියන 3.8ක ආදායමක් ලබා ගැනීම යෝජිත ගාස්තු නැංවීමේ අරමුණ බව ඩෝන් පුවත්සේවය වාර්තා කළා.
ඒකකයකට රුපියල් 5.72ක නව ගාස්තු වැඩිවීම ජූලි 1 දින සිට බලාත්මක වනු ඇති.
ඒ අනුව දැනට පාකිස්තාන රුපියල් 27.78ක් වන ඒකකයක ගාස්තුව 35.50ක් දක්වා ඉහළ යනවා.
මෙම ගැලපීම මගින් බෙදාහැරීමේ සමාගම් සඳහා අතිරේක බිලියන 485 ක ආදායමක් උපයා ගැනීමට අපේක්ෂා කරන අතර, ජූලි මාසයේදී IMF එකඟතාවකට පැමිණීමේ රජයේ ස්ථාවරය ශක්තිමත් කරනු ලබනවා.
සියයට 18 ක සාමාන්‍ය විකුණුම් බද්දක් ඇති කිරීමෙන් පසු, අනෙකුත් බදු, තීරුබදු සහ අධිභාර හැර, ලබන වසර සඳහා සාමාන්‍ය මූලික ගාස්තු ඒකකයකට PKR 42 දක්වා ඉහළ යනු ඇතැයි අපේක්ෂා කෙරෙනවා.
මෙම ගැලපීම මගින් පාරිභෝගිකයින් මත බිලියන 580 ක පමණ අමතර බරක් පැටවෙනු ඇති.
