ශ්‍රී ලංකා මහ බැංකුව විසින් ප්‍රතිපත්ති පොලී අනුපාතික ඉහළ දැමීමට ගත් තීරණය මේ මොහොතේ ගත් වඩාත් ගැළපෙන තීරණයක් ලෙස ජාත්‍යන්තර මූල්‍ය අරමුදල අගය කර තිබෙනවා.
මෙම තීරණයෙන් උද්ධමනය ඉතාමත් ඉක්මණින් පහළට ගැනීමට සහ උද්ධමනය තනි ඉලක්කමක් කරා ගෙන ඒමට ඇති කැපවීම පෙන්නුම් කරන බවයි ජාත්‍යන්තර මූල්‍ය අරමුදල පෙන්වා දී ඇත්තේ.
මෙය ශ්‍රී ලංකාව අපේක්ෂා කරන විස්තීරණ මුල්‍ය පහසුකම ලබාගැනීමේ ක්‍රියාවලියේ කොටසක් බවත් එම අරමුදල පෙන්වා දී තිබෙනවා.
මේ අතර 2020 වසරේ ජනවාරි පළමු වනදායින් පසු සුළු හා මධ්‍ය පරිමාණ කර්මාන්තකරුවන් සහ තනි පුද්ගල ගනුදෙනුකරුවන් විසින් ලබාගත් ණය ප්‍රතිව්‍යුහගත කිරීම හෝ ප්‍රතිලේඛනගත කළ හැකි චක්‍රලේඛයක් ශ්‍රී ලංකා මහ බැංකුව නිකුත් කර තිබෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
5
